பிரபல யூடியூபர்கள் கோபி மற்றும் சுதாகர் ஒரு திரைப்படத்தில் நடித்து தயாரித்து வருவதாக கூறப்பட்ட நிலையில், அந்த படத்தின் டைட்டில் டீசர் சில நிமிடங்களுக்கு முன்பு வெளியாகி இணையத்தில் வைரலாகி வருகிறது.

பரிதாபங்கள் புரடொக்சன்ஸ் என்ற நிறுவனத்தை தொடங்கிய கோபி மற்றும் சுதாகர், அந்த நிறுவனத்தின் முதல் படத்தில் முக்கிய இடங்களில் நடித்து வருகின்றனர் என்றும், இந்த படத்தை விஷ்ணு விஜயன் இயக்கி வருகிறார் என்றும் ஏற்கனவே செய்திகள் வெளியாகியிருந்தன.

இந்த நிலையில், இந்த படத்திற்கு தற்போது "Oh God! Beautiful" என்ற டைட்டில் வைக்கப்பட்டு, டைட்டில் டீசர் வெளியிடப்பட்டுள்ளது. இந்த டீசர் தற்போது இணையத்தில் வைரலாகி வருகிறது.

கோபி, சுதாகர், விடிவி கணேஷ், சுரேஷ் சக்கரவர்த்தி, விஜி சந்திரசேகர், முருகானந்தம், பிரசன்னா, யுவராஜ் கணேசன், கௌதம், பாலகுமாரன், குகன் உள்ளிட்ட பலர் நடித்துள்ளனர்.

இந்த படத்தின் டைட்டில் டீசர் தற்போது வெளியானதை அடுத்து, அடுத்த கட்டமாக சில வீடியோக்கள் வெளியிட திட்டமிடப்பட்டு உள்ளதாகவும், விரைவில் இந்த படத்தின் ரிலீஸ் தேதி அறிவிக்கப்படும் என்றும் கூறப்படுகிறது.