close
Choose your channels
DT
BJP

கணவர் மற்றும் காதலருடன் ஒரே அறையில்.. பிரபல பெண் யூடியூபர் கைது.. 

Wednesday, December 7, 2022 • தமிழ் Comments
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com

பிரபல பெண் யூடியூபர் நம்ரா காதிர் என்பவர் காவல்துறையால் கைது செய்யப்பட்டிருக்கும் சம்பவம் பெரும் பரபரப்பை ஏற்படுத்தி உள்ளது.

டெல்லியை சேர்ந்த 21 வயது நம்ரா காதிர் என்ற யூடியூபர் தொழிலதிபர் தினேஷ் என்பவருடன் நெருக்கமாக பழகி உள்ளார். தனக்கு மில்லியன் கணக்கான ஃபாலோயர்கள் இருப்பதாகவும் அதன் மூலம் தினேஷின் நிறுவனத்திற்கு விளம்பரம் தேடி தருவதாகவும் நம்ரா காதிர் தினேஷிடம் கூறி நெருக்கமாக பழகியதாக தெரிகிறது. நாளடைவில் இந்த நட்பு காதலாக மாறியதை அடுத்து இருவரும் ஒன்றாக பல இரவுகள் தங்கி இருந்ததாக கூறப்படுகிறது

இந்த நிலையில் கடந்த ஆகஸ்ட் மாதம் நம்ரா காதிர் மற்றும் தொழிலதிபர் தினேஷ் யாதவ் ஆகிய இருவரும் ஒரே அறையில் தங்கி இருந்தபோது நம்ரா காதிர் கணவர் மணிஷ் என்பவரும் அதே அறைக்கு வந்ததாக தெரிகிறது. அப்போதுதான் நம்ரா காதிர் ஏற்கனவே திருமணமானவர் என்பது தினேஷ்க்கு தெரிய வந்தது.

இந்த நிலையில் ஓட்டல் அறையில் நம்ரா காதிர் தினேஷின் ஏடிஎம் கார்டை கேட்டதாகவும் அதனால் இருவருக்கும் பிரச்சினை ஏற்பட்டதாக தெரிகிறது. இதனை அடுத்து தினேஷ் காவல் துறையில் புகார் அளித்தார். தன்னிடம் 80 லட்ச ரூபாய்க்கு மேல் நம்ரா காதிர் மோசடி செய்து விட்டதாகவும் அவர் மீது நடவடிக்கை எடுக்க வேண்டும் என்றும் கூறப்பட்டிருந்தது

இந்த புகாரின் அடிப்படையில் காவல்துறையினர் நடவடிக்கை எடுத்தபோது நம்ரா காதிர் மற்றும் அவரது கணவர் முன்ஜாமீன் பெற்றனர். இதனை அடுத்து இருவரையும் கைது செய்ய முடியாத நிலை ஏற்பட்டது. இந்த நிலையில் சமீபத்தில் நம்ரா காதிர் மற்றும் அவரது கணவரின் முன்ஜாமின் மனு ரத்து செய்யப்பட்ட நிலையில் நம்ரா காதிரை போலீஸார் கைது செய்துள்ளனர். அவரது கணவர் தலைமறைவாக இருப்பதாகவும் அவரை கைது செய்ய போலீசார் நடவடிக்கை எடுத்து வருவதாகவும் கூறப்படுகிறது.

இளம் தொழிலதிபர் தினேஷை காதல் என்ற வலையில் வீழ்த்தி ரூபாய் 80 லட்சம் வரை மோசடி செய்த பெண் யூடியூபர் நம்ரா காதிர் கைது செய்யப்பட்டு இருப்பது பரபரப்பை ஏற்படுத்தி உள்ளது.

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.