close
Choose your channels

ஆபாச பேச்சு காரணமாக மேலும் ஒரு யூடியூபர் கைது!

Saturday, September 18, 2021 • தமிழ் Comments

யூடியூபில் ஆபாசமாக பேசியதாகவும் பெண்களுக்கும் சிறுவர்களுக்கும் பாலியல் தொல்லை கொடுத்ததாகவும் கடந்த சில மாதங்களுக்கு முன்னர் பப்ஜி மதன் கைது செய்யப்பட்டார் என்பது தெரிந்ததே. இந்த நிலையில் ஆபாசபேச்சு காரணமாக மேலும் ஒரு பெண் யூடியூபர் கைது செய்யப்பட்டுள்ளது பெரும் பரபரப்பை ஏற்படுத்தி உள்ளது.

தேனி அருகே நாகலாபுரம் என்ற பகுதியை சேர்ந்தவர் சுகந்தி. இவர் டிக் டாக் செயலியில் பல வீடியோக்களை வெளியிட்டு பிரபலமடைந்தார் என்பதும், ஒரு சில சர்ச்சைகளிலும் சிக்கி உள்ளார் என்பது குறிப்பிடத்தக்கது. இவரது அக்கா நாகஜோதி என்பவரும் யூடியூபில் பல்வேறு பதிவுகளை வெளியிட்டு பிரபலம் அடைந்துள்ளார்.

இந்த நிலையில் தஞ்சை மாவட்டம் மருங்குளம் என்ற பகுதியைச் சேர்ந்த திவ்யா என்ற 30 வயது பெண் டிக் டாக் வீடியோக்கள் மூலம் பிரபலமாகி, அதன்பின் டிக் டாக் தடை செய்யப்பட்டவுடன் தற்போது யூடியூபில் பல வீடியோக்களை பதிவு செய்து வருகிறார். இந்த நிலையில் திவ்யா மற்றும் சுகந்தி இடையே கடந்த சில வருடங்களாக மோதல் போக்கு இருந்து வந்ததாக தெரிகிறது. இருவரும் ஒருவருக்கு ஒருவர் மாறி மாறி விமர்சனம் செய்து வந்தது பெரும் பரபரப்பை ஏற்படுத்தியது.

இந்த நிலையில் யூடியூபர் திவ்யா தன்னை பற்றி ஆபாசமாக பதிவு செய்து வருவதாக கடந்த 14ஆம் தேதி தேனி சைபர் கிரைம் காவல் நிலையத்தில் சுகந்தி புகார் செய்தார். இந்த புகாரின் அடிப்படையில் காவல்துறை ஆய்வாளர் அரங்கநாயகி தலைமையிலான தனிப்படையினர் திவ்யாவை தேடி வந்தனர் என்றும், தலையை தலைமறைவாக இருந்த திவ்யாவின் செல்போன் எண்ணை வைத்து டிராக் செய்ததில் அவர் நாகூரில் இருப்பதை தனிப்படையினர் கண்டு பிடித்ததாகவும், அதன் பின்னர் அவரை கைது செய்ததாகவும் தகவல்கள் வெளிவந்துள்ளன.

கைதுசெய்யப்பட்ட திவ்யாவை நீதிமன்றத்தில் ஆஜர்படுத்திய காவல்துறையினர் அவரை சிறையில் அடைத்துள்ளனர். ஆபாசபேச்சு காரணமாக மேலுமொரு யூடியூபர் கைது செய்யப்பட்டுள்ளது பெரும் பரபரப்பை ஏற்படுத்தி உள்ளது.

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.   

Get Breaking News Alerts From IndiaGlitz