close
Choose your channels

தலைமறைவாகவுள்ள யூடியூப் மதன் மனைவி கைது: போலீஸார் தீவிர விசாரணை!

Wednesday, June 16, 2021 • தமிழ் Comments

மதன் என்பவர் யூடியூப் சேனல் ஒன்றை தொடங்கி, அதில் தடைசெய்யப்பட்ட பப்ஜி விளையாட்டை சிறுவர், சிறுமிகளிடம் விளையாடியதாகவும் அப்போது அவர் சிறுவர் மற்றும் சிறுமிகளிடம் ஆபாசமாக பேசியதாகவும் குற்றஞ்சாட்டப்பட்டது. இது குறித்து தமிழகத்தின் பல்வேறு நகரங்களில் மதன் மீது புகார்கள் பதிவு செய்யப்பட்ட நிலையில் அவரை கைது செய்ய போலீசார் தீவிரமாகினர்.

இந்த நிலையில் திடீரென யூடியூப் மதன் தலைமறைவானார். இதனை அடுத்து தனிப்படை அமைத்து மதனை தேடும் பணியில் போலீசார் ஈடுபட்டு வருகின்றனர். இந்த நிலையில் மதனின் யூடியூப் சேனல்களுக்கு அவருடைய மனைவி கிருத்திகா தான் நிர்வாகி என்பது தெரியவந்தது

இதனை அடுத்து மதனின் மனைவி கிருத்திகாவை சென்னை மத்திய குற்றப்பிரிவு போலீசார் சேலத்தில் கைது செய்தனர். அவரிடம் போலீசார் தீவிர விசாரணை செய்த பின் அவர் சென்னைக்கு அழைத்து வரப்பட்டார் என்று தகவல்கள் வெளிவந்துள்ளன. யூடியூப் மதன் மனைவி கிருத்திகாவின் கைதை அடுத்து மதனையும் விரைவில் கைது செய்வோம் என்று காவல்துறை வட்டாரங்கள் கூறுகின்றன. இதனால் பெரும் பரபரப்பு ஏற்பட்டுள்ளது.

Get Breaking News Alerts From IndiaGlitz