close
Choose your channels
Por
Joshwa

அஜித்-விஜய் சந்திப்பு நடந்தும் ஒரு புகைப்படம் கூட வெளியாகவில்லை.. காரணம் இதுதானா?

Saturday, March 25, 2023 • தமிழ் Comments
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com

பொதுவாக விஜய் ஒரு சிறு நிகழ்ச்சியில் கலந்து கொண்டால் கூட அதன் புகைப்படம் வெளியாகி இணையதளங்களில் வைரல் ஆகி வரும் நிலையில் அஜித்துடன் விஜய் சந்தித்த முக்கிய நிகழ்வு குறித்த ஒரு புகைப்படம் கூட வெளியே வராதது பெரும் ஆச்ச்சரியத்தை ஏற்படுத்தி உள்ளது.

நேற்று அஜித்தின் தந்தை சுப்ரமணியம் அவர்கள் காலமானார் என்பதும், அவரது மறைவுக்கு பல திரையுலக, அரசியல் பிரபலங்கள் இரங்கல் தெரிவித்தனர் என்பதை ஏற்கனவே பார்த்தோம். அந்த வகையில் அஜித்தின் தந்தை மறைவு செய்தியை கேட்டு மிகுந்த மனவருத்தம் அடைந்த விஜய், அஜித்தை நேரில் சந்தித்து தனது ஆறுதலை தெரிவித்துள்ளார்.

ஏற்கனவே இந்த நிகழ்வை தனது குடும்ப நிகழ்வாக நடத்த திட்டமிட்டுள்ளதாக அஜித் மற்றும் அவரது சகோதரர்கள் தெரிவித்திருந்த நிலையில் இதை ஒரு பப்ளிசிட்டியாக மாற்றக்கூடாது என்பதில் உறுதியாக இருந்தனர். அதேபோல் அஜித்தின் சந்திப்பை எந்தவித பப்ளிசிட்டியும் செய்ய வேண்டாம் என்று விஜய் தன்னைச் சேர்ந்தவர்களிடம் கண்டிப்பாக கூறியிருந்ததாகவும் அதனால் தான் அஜித் - விஜய் சந்திப்பு குறித்த ஒரு புகைப்படம் கூட வெளியே வரவில்லை என்றும் கூறப்படுகிறது.

அஜித் விஜய் இடையே திரையுலகில் போட்டி இருந்தாலும் இருவரும் பல ஆண்டுகளாக நெருக்கமான நண்பர்களாக உள்ளனர். இருவரும் அவ்வப்போது குடும்பத்துடன் சந்தித்து வருவதாகவும் கூறப்படும் நிலையில் இருவரும் இணைந்த புகைப்படங்கள் வெளியாகி பல ஆண்டுகள் ஆகிறது என்பது குறிப்பிடத்தக்கது.

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.