close
Choose your channels
cred

மாலத்தீவில் ஜோடியாக விஷ்ணுவிஷால்-ஜூவாலா கட்டா: வைரல் புகைப்படங்கள்!

Thursday, February 25, 2021 • தமிழ் Comments

தமிழ் திரை உலகின் இளைய தலைமுறை ஹீரோக்களில் ஒருவரான விஷ்ணு விஷால் கடந்த சில மாதங்களாக பேட்மிண்டன் வீராங்கனை ஜூவாலா கட்டா உடன் டேட்டிங் செய்து வருவதாகவும், இருவருக்கும் விரைவில் திருமணம் நடக்கும் என்றும் கூறப்பட்டது

சமீபத்தில் புத்தாண்டின் போது ஒருவருக்கு ஒருவர் சமூக வலைதளங்கள் மூலம் வாழ்த்துக்களை பரிமாறிக் கொண்டனர் என்பதும், ஜுவாலா கட்டாவுக்கு விஷ்ணுவிஷால் மோதிரம் அணிவித்த புகைப்படத்தையும் விஷ்ணு விஷால் தனது டுவிட்டரில் பகிர்ந்திருந்தார் என்பதும் தெரிந்ததே.

இந்த நிலையில் தற்போது விஷ்ணு விஷால் மற்றும் ஜுவாலா கட்டா ஆகிய இருவரும் மாலத்தீவுக்கு சென்றுள்ளனர். இது குறித்த புகைப்படங்களை விஷ்ணு விஷால் தனது சமூக வலைதளங்களில் பதிவு செய்து உள்ளார். இருவரும் ஜோடியாக மாலத்தீவு கடற்கரையில் இருவரும் நடந்து செல்லும் காட்சிகள் மற்றும் கடலில் குளிக்கும் காட்சிகளின் புகைப்படங்கள் தற்போது வைரலாகி வருகிறது.

இந்த நிலையில் விஷ்ணுவிஷால் தற்போது காடன்’, ‘ஆரண்யா’, ‘ஜகஜ்ஜால கில்லாடி’, மோகன் தாஸ்’ ஆகிய படங்களில் நடித்து வருகிறார் என்பதும் இந்த படங்கள் விரைவில் வெளியாகவுள்ளது என்பதும் குறிப்பிடத்தக்கது.

Get Breaking News Alerts From IndiaGlitz