இன்று தைப்பூச திருநாளை முன்னிட்டு, தமிழக வெற்றி கழகத்தின் தலைவர் விஜய் தனது எக்ஸ் பக்கத்தில் வாழ்த்துக்களை தெரிவித்துள்ள நிலையில், இந்த வாழ்த்து பதிவிற்கு நேர்மறை மற்றும் எதிர்மறை விமர்சனங்கள் பதிவாகி வருவது பரபரப்பை ஏற்படுத்தியுள்ளது.

இன்று தைப்பூச திருநாள் என்பதால், முருகனின் அறுபடை வீடுகளிலும் தமிழகத்தில் உள்ள அனைத்து முருகன் கோயில்களிலும் பக்தர்கள் குவிந்து வருகின்றனர் என்பதும், சிறப்பு பூஜைகள் நடைபெற்று வருகிறது என்பதும் குறிப்பிடத்தக்கது.

இந்த நிலையில், தமிழக வெற்றி கழகத்தின் தலைவர் விஜய் சற்றுமுன் தனது பக்கத்தில் தைப்பூசத் திருநாள் வாழ்த்துக்களை தெரிவித்துள்ளார். அந்த பதிவில் கூறியிருப்பதாவது:

தனித்துயர்ந்த
குன்றுகள் தோறும்
வீற்றிருக்கும்
தமிழ்நிலக் கடவுள்;
உலகெங்கும் வாழும்
தமிழர்களின்
தனிப்பெரும் கடவுள்
முருகப் பெருமானைப்
போற்றுவோம்!

அனைவருக்கும் தைப்பூச திருநாள் வாழ்த்துக்கள்!

இந்த பதிவிற்கு நேர்மறை மற்றும் எதிர்மறை விமர்சனங்கள் பதிவாகி வருகின்றன.

திருப்பரங்குன்றம் பிரச்சனைக்கு வாய் திறக்காத விஜய், விநாயகர் சதுர்த்திக்கு வாழ்த்து தெரிவிக்காத விஜய், தற்போது திடீரென தைப்பூசத்துக்கு மட்டும் வாழ்த்து தெரிவிக்கிறார் என்ற எதிர்மறை விமர்சனங்கள் வந்து கொண்டிருக்கின்றன.

ஆனால், அதே நேரத்தில் மற்ற மத பண்டிகைகளுக்கு வாழ்த்து தெரிவித்து, இந்து மத பண்டிகைக்கு மட்டும் வாழ்த்து தெரிவிக்காத அரசியல்வாதிகள் மத்தியில், அனைத்து மத பண்டிகைக்கும் வாழ்த்து தெரிவிக்கும் விஜய், ஒரு மதச்சார்பற்ற தலைவர் என்று நேர்மறை விமர்சனங்களும் பதிவாகி வருகின்றன.

விஜய்யின் இந்த தைப்பூச வாழ்த்து குறித்து நீங்கள் என்ன நினைக்கிறீர்கள் என்பதை கமெண்ட் பகுதியில் பதிவு செய்யுங்கள்.

தனித்துயர்ந்த
குன்றுகள் தோறும்
வீற்றிருக்கும்
தமிழ்நிலக் கடவுள்;
உலகெங்கும் வாழும்
தமிழர்களின்
தனிப்பெரும் கடவுள்
முருகப் பெருமானைப்
போற்றுவோம்!

அனைவருக்கும் தைப்பூசத் திருநாள் வாழ்த்துகள்!

— TVK Vijay (@tvkvijayhq) February 11, 2025