close
Choose your channels
IKK
Jail

ரசிகர்களுக்கு இளையதளபதி தரும் "டபுள் ட்ரீட்"

Sunday, August 16, 2015 • தமிழ் Comments

இளையதளபதி விஜய் நடித்துள்ள 'புலி' திரைப்படம் வரும் செப்டம்பர் 17ஆம் தேதி ரிலீஸ் ஆகிறது என்பது உறுதியாகியுள்ள நிலையில் விஜய்யின் அடுத்த படமான 'விஜய் 59' படத்தின் படப்பிடிப்பு விறுவிறுப்பாக நடைபெற்று வருகிறது. சென்னை ஈசிஆர் சாலையில் முதல்கட்ட படப்பிடிப்பு முடிவடைந்த நிலையில் அடுத்தகட்ட படப்பிடிப்பை கோவாவில் விரைவில் இயக்குனர் அட்லி ஆரம்பிக்க உள்ளதாகவும் அதனை அடுத்து படக்குழுவினர் சீனா செல்லவுள்ளதாகவும் ஏற்கனவே அறிவித்திருந்தோம்.

இந்நிலையில் இந்த படத்தில் 'உலக தர லோக்கல்' பாடல் ஒன்றை விஜய் பாடவுள்ளதாக சமீபத்தில் பார்த்தோம். தற்போது வந்துள்ள புதிய தகவலின்படி விஜய் இந்த படத்தில் இரண்டு பாடல்களை பாடவுள்ளதாகவும், ஜி.வி.பிரகாஷ்குமார் கம்போஸ் செய்த இந்த இரண்டு பாடல்களையும் விஜய் பாடினால் மட்டுமே மிகப்பொருத்தமாக இருக்கும் என்று கருதியதால் இந்த முடிவு எடுக்கப்பட்டதாகவும் செய்திகள் வெளிவந்துள்ளது. எனவே விஜய் ரசிகர்களுக்கு இந்த படத்தில் டபுள் ட்ரீக் காத்திருக்கின்றது என்பது குறிப்பிடத்தக்கது.

விஜய், சமந்தா, எமி ஜாக்சன், ராதிகா சரத்குமார், கே.எஸ்.ரவிகுமார், இயக்குனர் மகேந்திரன் உள்பட பலர் நடித்து வரும் இந்த படத்தை கலைப்புலி எஸ்.தாணு தயாரித்து வருகிறார். இந்த படம் 2016ஆம் ஆண்டு பொங்கல் தினத்தில் வெளியாகும் என எதிர்பார்க்கப்படுகிறது.

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.   

Get Breaking News Alerts From IndiaGlitz