விஜய் சேதுபதி நடித்த 50வது திரைப்படமான ‘மகாராஜா’ திரைப்படத்தின் படப்பிடிப்பு முடிவடைந்து ரிலீசுக்கு தயாராக இருக்கும் நிலையில் இந்த படத்தின் டிரைலர் வெளியாகி இணையத்தில் வைரல் ஆகி வருகிறது.

சலூன் கடை வைத்திருக்கும் விஜய் சேதுபதி தன்னுடைய லட்சுமியை காணவில்லை என்று காவல் நிலையத்தில் புகார் அளித்துள்ள நிலையில் லட்சுமி யார்? உன் மனைவியா? உன் குழந்தையா? உன்னுடைய பணமா? நகையா? என காவல்துறையினர் கேட்க, அது எதுவும் இல்லை என்று கூறும் விஜய்சேதுபதியால் லட்சுமி என்ன என்பதை விளக்க முடியாத காட்சிகள் இந்த டிரைலரில் உள்ளது.

இதனிடையே தொலைந்து போன லட்சுமியை விஜய் சேதுபதி கண்டுபிடித்தாரா? உண்மையில் தொலைந்து போன லட்சுமி என்ன? போன்ற கேள்விகளுக்கு இந்த படம் விடை கொடுக்கும் என்பதும், அந்த லட்சுமி என்ன என்பதை சஸ்பென்ஸ் ஆக வைத்திருப்பார்கள் என்றும் எதிர்பார்க்கப்படுகிறது.

விஜய் சேதுபதியின் 50வது படமாக உருவாகி இருக்கும் இந்த படத்தில் விஜய் சேதுபதி, அனுராக் காஷ்யப், மம்தா மோகன்தாஸ், நட்டி நடராஜ், பாரதிராஜா, அபிராமி, சிங்கம் புலி, அருள்தாஸ், முனிஷ்காந்த் உள்ளிட்ட பலர் இந்த படத்தில் நடித்துள்ளனர். நிதிலன் சாமிநாதன் இயக்கத்தில், அஜனீஷ் லோக்நாத் இசையில் உருவாகி இருக்கும் இந்த படம் விரைவில் திரையரங்குகளில் வெளியாக உள்ளது என்பது குறிப்பிடத்தக்கது.