close
Choose your channels

5வது வருடத்தில் 50வது படமாகும் விஜய்யின் 'புலி'

Thursday, September 10, 2015 • தமிழ் Comments

அமெரிக்காவில் தமிழ் படங்களை ரிலீஸ் செய்யும் விநியோக நிறுவனங்களில் ஒன்று ATMUS Entertainment. இந்த நிறுவனம் கடந்த ஐந்து வருடங்களாக பல தமிழ் திரைப்படங்களை ரிலீஸ் செய்து வருகிறது. சமீபத்தில் உலகம் முழுவதும் சூப்பர் ஹிட் ஆகிய ஜெயம் சகோதரர்களின் 'தனி ஒருவன்' திரைப்படத்தை அமெரிக்காவில் இந்த நிறுவனம்தான் ரிலீஸ் செய்தது என்பது குறிப்பிடத்தக்கது.


இந்நிலையில் வரும் அக்டோபர் 1ஆம் தேதி விஜய் நடித்த 'புலி' படத்தையும் அமெரிக்காவில் இந்த நிறுவனம்தான் ரிலீஸ் செய்யவுள்ளது. மேலும் இந்த நிறுவனம் அமெரிக்காவில் ரிலீஸ் செய்யும் 50வது படம் 'புலி' என்பது தற்போது தெரிய வந்துள்ளது. ஐந்தாவது வருடத்தில் காலடி எடுத்து வைத்துள்ள இந்த நிறுவனம் ரிலீஸ் செய்யும் 50வது படம் என்ற சிறப்பை 'புலி' பெற்றுள்ளது என்பது குறிப்பிடத்தக்கது.

இந்நிலையில் ATMUS Entertainment ரிலீஸ் செய்த 'தனி ஒருவன்' திரைப்படம் தொடர்ந்து மூன்றாவது வாரமாக நல்ல வசூலுடன் ஓடிக்கொண்டிருப்பதாகவும், விரைவில் $250,000 வசூலை இந்த படம் பெற்றுவிடும் என்று எதிர்ப்பார்ப்பதாகவும் இந்த நிறுவனத்தின் அதிகாரபூர்வ சமூக வலைத்தளத்தில் பதிவு செய்யப்பட்டுள்ளது.

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.   

Get Breaking News Alerts From IndiaGlitz