சூப்பர் ஸ்டார் ரஜினிகாந்த் நடித்து வரும் ‘கூலி’ திரைப்படத்தில், விஜய் நடித்த படத்தில் நாயகியாக நடித்த நடிகை, ஒரு பாடலுக்கு நடனம் ஆட இருப்பதாக கூறப்படுவது பரபரப்பை ஏற்படுத்தியுள்ளது.

சூப்பர் ஸ்டார் ரஜினிகாந்த் நடிப்பில், லோகேஷ் கனகராஜ் இயக்கத்தில் உருவாகி வரும் ‘கூலி’ திரைப்படத்தின் படப்பிடிப்பு விறுவிறுப்பாக நடைபெற்று வருகிறது. சன் பிக்சர்ஸ் தயாரிப்பில் உருவாகி வரும் இந்த படத்தில், ரஜினிகாந்துடன் நாகார்ஜுனா, சத்யராஜ், ஸ்ருதி ஹாசன் உட்பட பலர் நடித்து வருகின்றனர். மேலும், பிரபல பாலிவுட் நடிகர் அமீர் கான் சிறப்பு தோற்றத்தில் நடித்திருப்பதாகவும் கூறப்படுகிறது. அனிருத் இசையில் உருவாகி வரும் இந்த படம், மிகுந்த எதிர்பார்ப்புடன் ரசிகர்களை காத்திருக்க செய்கிறது.

இந்த நிலையில், இப்படத்தில் ஏற்கனவே பல நட்சத்திர கூட்டங்கள் நடித்துய் வரும் நிலையில், தற்போது விஜய் நடித்த ’பீஸ்ட்’ திரைப்படத்தில் நாயகியாக நடித்த பூஜா ஹெக்டே, ‘கூலி’ படத்தில் ஒரு பாடலுக்கு நடனம் ஆட இருப்பதாக தகவல் வெளியாகியுள்ளது.

மேலும், தற்போது விஜய் நடித்து வரும் ’ஜனநாயகன்’ படத்தின் ஹீரோயின் இவர்தான் என்பதும், அதேபோல் சூர்யா நடித்து வரும் ’ரெட்ரோ’ படத்திலும் இவர் நடித்து வருகிறார் என்பதும் குறிப்பிடத்தக்கது.

தற்போது முன்னணியில் இருக்கும் நடிகை, ‘கூலி’ படத்தில் ஒரு பாடலுக்கு நடனம் ஆடுவது, ரசிகர்களிடம் மிகுந்த எதிர்பார்ப்பை உருவாக்கியுள்ளது. இதற்காக லோகேஷ் கனகராஜ் எடுத்த முடிவு "வேற லெவல்" ஐடியா என ரசிகர்கள் பாராட்டி வருகின்றனர்.