close
Choose your channels
Viruman
Laal

விஜய் மக்கள் இயக்கம் சார்பில் சென்னையில் போட்டியிடும் ஒரே பெண் வேட்பாளர் இவர்தான்!

Thursday, February 3, 2022 • தமிழ் Comments
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com

சென்னை மாநகராட்சி தேர்தலில் விஜய் மக்கள் இயக்கத்தின் சார்பில் போட்டியிடும் ஒரே பெண் வேட்பாளர் குறித்த தகவல் சற்றுமுன் வெளியாகியுள்ளது.

பிப்ரவரி 19ஆம் தேதி தமிழகத்தில் நகர்ப்புற உள்ளாட்சி தேர்தல் நடைபெற இருக்கும் நிலையில் இந்த தேர்தலில் போட்டியிட அதிமுக, திமுக உள்பட அனைத்து கட்சிகளின் வேட்பாளர்கள் போட்டி போட்டு வேட்புமனுக்களை தாக்கல் செய்து வருகின்றனர்.

இந்த நிலையில் ஊரக உள்ளாட்சி தேர்தலில் 100 க்கும் மேற்பட்ட வார்டுகளில் வெற்றி பெற்ற விஜய் மக்கள் இயக்கம், நகர்ப்புற உள்ளாட்சி தேர்தலிலும் போட்டியிட முடிவு செய்து உள்ளது என்பதும் அதற்கு விஜய் அனுமதி அளித்துள்ளதாகவும் வெளிவந்த செய்தியை ஏற்கனவே பார்த்தோம்.

இந்த நிலையில் சென்னை மாநகராட்சியில் 200 வார்டுகள் இருப்பினும் அதில் ஒரே ஒரு தொகுதியில் மட்டுமே விஜய் மக்கள் இயக்கம் போட்டியிடுகிறது. சென்னை மாநகராட்சியில் உள்ள 136 வது வார்டில் விஜய் மக்கள் இயக்கம் சார்பில் அறிவுச்செல்வி என்ற இளம்பெண் போட்டியிடுகிறார். விஜய் மக்கள் இயக்கத்தின் நிர்வாகிகள் மற்றும் ரசிகர்கள் சூழ இன்று அவர் வேட்பு மனு தாக்கல் செய்தார். இந்த தொகுதியில் அறிவுச்செல்வி வெற்றி பெறுவாரா? என்பதை பொறுத்திருந்து பார்ப்போம்.

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.