நடிகர்கள் விஜய், விஜய் சேதுபதி, தனுஷ் உள்ளிட்ட பிரபலங்கள் படங்களில் நடித்த துணை நடிகர் ஜெயசீலன் என்பவர் இன்று உயிரிழந்ததாக கூறப்பட்ட நிலையில் திரையுலகினர் அவருக்கு இரங்கல் தெரிவித்து வருகின்றனர்.

விஜய் நடித்த ’தெறி’ மற்றும் ‘பிகில்’, தனுஷ் நடித்த ’புதுப்பேட்டை’ விஜய் சேதுபதி நடித்த ’விக்ரம் வேதா’ உள்ளிட்ட பல திரைப்படங்களில் நடித்தவர் துணை நடிகர் ஜெயசீலன்.

40 வயது ஆன திருமணம் ஆகாமல் சென்னை புது வண்ணாரப்பேட்டை என்ற பகுதியில் வாழ்ந்து வந்தார். இந்த நிலையில் கடந்த சில நாட்களுக்கு முன் திடீரென அவருக்கு மஞ்சள் காமாலை நோய் பாதிப்பு ஏற்பட்டதை அடுத்து அவர் சென்னை ஸ்டான்லி மருத்துவமனையில் அனுமதிக்கப்பட்டு சிகிச்சை பெற்று வந்தார்.

இந்த நிலையில் சிகிச்சை பலனின்றி அவர் அவர் காலமானதை அடுத்து அவரது உறவினர்கள் அதிர்ச்சி அடைந்துள்ளனர். வில்லன்களுக்கு அடியாளாக பல படங்களில் நடித்துள்ள ஜெயசீலன் மறைவு திரையுலகினருக்கு பெரும் அதிர்ச்சியை ஏற்படுத்தியுள்ளது. இதையடுத்து அவருக்கு சமூக வலைதளங்களில் இரங்கல் தெரிவிக்கப்பட்டு வருகிறது.