close
Choose your channels
Viruman
Laal

ஹனிமூனை முடித்துவிட்டு கிளம்புகிறார்களா விக்கி-நயன்: வைரல் புகைப்படங்கள்!

Sunday, June 26, 2022 • தமிழ் Comments
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com

பிரபல இயக்குனர் விக்னேஷ் சிவன் கடந்த சில நாட்களுக்கு முன் லேடி சூப்பர் ஸ்டார் நயன்தாராவை திருமணம் செய்து கொண்டார் என்பதும் திருமணத்துக்கு பின்னர் இந்த தம்பதிகள் தாய்லாந்து நாட்டிற்கு ஹனிமூன் சென்றனர் என்பதையும் ஏற்கனவே பார்த்தோம்.

தாய்லாந்து நாட்டில் ஹனிமூன் கொண்டாடும் புகைப்படங்கள் மற்றும் வீடியோக்களை விக்னேஷ் சிவன் தனது இன்ஸ்டாகிராம் பக்கத்தில் பகிர்ந்து வந்த நிலையில் அந்த புகைப்படங்கள் வீடியோக்கள் மிகப்பெரிய அளவில் வைரலானது என்பது குறிப்பிடத்தக்கது.

இந்த நிலையில் தனது இன்ஸ்டாகிராம் பக்கத்தில் தனது தாய்லாந்து சுற்றுப் பயணத்திற்கு ஏற்பாடு செய்த நிறுவனத்திற்கும் தங்கியிருந்த ஹோட்டலுக்கும் விக்னேஷ் சிவன் நன்றி கூறியுள்ளார். இதனை அடுத்து விக்னேஷ் சிவன் நயன்தாரா தம்பதிகள் ஹனிமூனை முடித்துவிட்டு நாடு திரும்ப உள்ளதாக கூறப்படுகிறது.

இந்த பதிவில் விக்னேஷ் சிவன், ‘மிகக் குறுகிய கால அறிவிப்புக்கு பின்னர் நீங்கள் எங்களுக்கு சரியான திட்டமிட்டு எங்களுக்கு நல்ல பயணத்தை அமைத்து கொடுத்தீர்கள். அதேபோல் நாங்கள் தங்கிய ஹோட்டல் நிர்வாகத்திற்கும் மிகவும் நன்றி. வீட்டு சமையல் சாப்பிடுவது போலவே எங்களை உணர வைத்தீர்கள். அழகான சூழல் மற்றும் அற்புதமான உணவுக்காக உங்களை நாங்கள் மீண்டும் சந்திப்போம்’ என்று பதிவு செய்துள்ளார்.

இதனை அடுத்து இன்று அல்லது நாளை விக்னேஷ் சிவன் - நயன்தாரா தம்பதிகள் ஹனிமூனை முடித்துவிட்டு நாடு திரும்புவார்கள் என்று எதிர்பார்க்கப்படுகிறது.

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.