ஆர்ஜே பாலாஜி நடித்த ’வீட்ல விசேஷங்க’ என்ற திரைப்படத்தின் ட்ரெய்லர் ஐபிஎல் போட்டியின்போது ஒளிபரப்ப இருப்பதாகவும் இதற்காக மும்பை சென்றிருப்பதாகவும் ஆர்ஜே பாலாஜி தெரிவித்துள்ளார் .

இது குறித்து அவர் வெளியிட்டுள்ள வீடியோவில் ’நான் நடித்த ‘எல்கேஜி’ மற்றும் 'மூக்குத்தி அம்மன்’ ஆகிய இரண்டு திரைப்படங்களின் டிரைலர்களும் ஐபிஎல் போட்டியின்போது தான் வெளியானது என்றும் இப்போது மூன்றாவது முறையாக நாளை நடைபெறவிருக்கும் லக்னோ மற்றும் பெங்களூர் அணிகள் இடையிலான ஐபிஎல் பிளே ஆஃப் போட்டியின் போது ’வீட்ல விசேஷங்க’ திரைப்படத்தின் ட்ரைலர் வெளியாக இருப்பதாகவும் இதற்காக தான் மும்பை சென்று கொண்டிருப்பதாகவும் ஆர்ஜே பாலாஜி தெரிவித்துள்ளார் .

‘எல்கேஜி’ மற்றும் ’மூக்குத்தி அம்மன்’ போல் இந்த படத்திற்கு நல்ல எதிர்பார்ப்பு இருப்பதால் இந்த படமும் வெற்றி பெறும் என்று எதிர்பார்க்கப்படுகிறது. ஆர்ஜே பாலாஜி, ஊர்வசி, சத்யராஜ், அபர்ணா பாலமுரளி உள்பட பலர் நடித்துள்ள ‘வீட்ல விசேஷங்க’ திரைப்படம் வரும் ஜூன் 17ஆம் தேதி வெளியாகவுள்ளது.
 

View this post on Instagram

A post shared by RJ Balaji (@irjbalaji)