close
Choose your channels
anabel
friendship

அந்த ஐந்து நாட்களுக்கு பின் 'வலிமை' ரிலீஸ் தேதி அறிவிப்பு!

Thursday, July 29, 2021 • தமிழ் Comments

தல அஜித் நடித்துவரும் ‘வலிமை’ படத்தின் படப்பிடிப்பு இன்னும் 5 நாட்கள் மட்டுமே பாக்கி இருப்பதாகவும் அந்த ஐந்து நாட்கள் படப்பிடிப்பு முடிந்தவுடன் ரிலீஸ் தேதியுடன் கூடிய புதிய போஸ்டர் ஒன்றை வெளியிட படக்குழுவினர் திட்டமிட்டுள்ளதாகவும் செய்திகள் வெளிவந்துள்ளது.

தல அஜித் நடிப்பில் எச்.வினோத் இயக்கத்தில் போனிகபூர் தயாரிப்பில் உருவாகிவரும் பிரமாண்டமான திரைப்படம் ‘வலிமை’. இந்த படத்தின் படப்பிடிப்பு பெரும்பாலும் முடிந்து விட்டபோதிலும் இன்னும் வெளிநாட்டில் படமாக்க வேண்டிய காட்சிகள் மட்டும் பாக்கி உள்ளது. இந்த நிலையில் ‘வலிமை’ படக்குழுவினர் அடுத்த வாரம் வெளிநாட்டு படப்பிடிப்பிற்காக செல்ல உள்ளனர் என்றும் அங்கு ஐந்து நாட்கள் அதிரடி ஆக்ஷன் காட்சிகள் படமாக்கப்பட உள்ளதாகவும் செய்திகள் வெளிவந்துள்ளது.

இந்த நிலையில் வெளிநாட்டு படப்பிடிப்பை முடித்துவிட்டு நாடு திரும்பியதும் ரிலீஸ் தேதியுடன் கூடிய புதிய போஸ்டரை வெளியிட படக்குழுவினர் திட்டமிட்டுள்ளதாக கூறப்படுகிறது. ஏற்கனவே ‘வலிமை’ படத்தின் மோஷன் போஸ்டர் மற்றும் பர்ஸ்ட் லுக் போஸ்டர்கள் சமீபத்தில் வெளியாகி மிகப்பெரிய அளவில் வைரல் ஆன நிலையில் விரைவில் ரிலீஸ் தேதியுடன் கூடிய புதிய போஸ்டர் வெளிவரும் என்ற தகவல் அஜித் ரசிகர்களுக்கு பெரும் மகிழ்ச்சியை அளித்துள்ளது.

அஜித் ஜோடியாக ஹூமா குரேஷ்ஹி நடித்துள்ள இந்த படத்திற்கு யுவன் சங்கர் ராஜா இசையமைத்துள்ளார் என்பது குறிப்பிடத்தக்கது.

Get Breaking News Alerts From IndiaGlitz