close
Choose your channels

Aadikeshava:ఊర మాస్‌గా మెగా హీరో.. 'ఆదికేశవ' ట్రైలర్ రిలీజ్..

Monday, November 20, 2023 • తెలుగు Comments
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com

మెగా హీరో వైష్ణవ్ తేజ్ హీరోగా నటించిన తాజా చిత్రం 'ఆదికేశవ' నుంచి ట్రైలర్ విడుదలైంది. లవ్, రొమాన్స్, కామెడీ, యాక్షన్‌తో కూడిన సన్నివేశాలతో ఈ ట్రైలర్ ఆకట్టుకుంటోంది. ఈ సినిమాలో మలయాళ నటుడు జోజు జార్జ్ విలన్‌గా నటించాడు. ఇక సీనియర్ హీరోయిన్ రాధిక, అపర్ణ దాస్ ముఖ్యమైన పాత్రల్లో నటించగా.. యంగ్ బ్యూటీ శ్రీలీల హీరోయిన్‌గా యాక్ట్ చేసింది. ఓ క్వారీ విషయంలో విలన్స్‌పై హీరో శివతాండవం ఆడుతున్నట్లు.. వైష్ణవ్ తేజుని యాక్షన్ సీక్వెన్స్‌లో ఊర మాస్‌గా ఇందులో చూపించారు. మొత్తానికి ట్రైలర్ మాత్రం ఆసక్తి రేపి సినిమాపై అంచనాలు రేపింది. ఈ నెల 24వ తేదీన మూవీ రిలీజ్ కానుంది.

ఇక ఈ సినిమాను సితార ఎంట‌ర్‌టైన్ మెంట్స్-ఫార్చూన్ ఫోర్ సినిమా బ్యాన‌ర్లపై నాగ‌వంశి, సాయి సౌజ‌న్య సంయుక్తంగా నిర్మిస్తున్నారు. శ్రీకాంత్ ఎన్‌ రెడ్డి దర్శకత్వం వహిస్తున్నాడు. ప‌క్కా మాస్ ఎంట‌ర్‌టైన‌ర్‌గా వ‌స్తున్న ఈ మూవీ నుంచి ఇప్పటికే విడుదల చేసిన టైటిల్, ఫస్ట్‌ గ్లింప్స్ వీడియో సినిమాపై ఆసక్తిని పెంచాయి. తాజాగా విడుదలైన ట్రైలర్ మరింత క్యూరియాసిటీ పెంచింది.

వైష్ణవ్ సినిమాల విషయానికొస్తే తొలి చిత్రం 'ఉప్పెన'తోనే బ్లాక్ బస్టర్ హిట్ అందుకున్నాడు. అంతేకాకుండా ఈ సినిమాకు నేషనల్ అవార్డ్ కూడా వచ్చింది. రెండో సినిమా 'కొండపొలం' కమర్షియల్‌గా సక్సెస్ కాకపోయినా అందులో తన నటనతో విమర్శకులు ప్రశంసలు అందుకున్నాడు. మూడో చిత్రం 'రంగరంగ వైభవంగా' మాత్రం డిజాస్టర్‌గా నిలిచింది. దీంతో ఈ మూవీతో ఎలాగైనా హిట్ కొట్టాలని భావిస్తున్నాడు. అందుకు తగ్గట్లే మూవీ కోసం పూర్తిగా మేకోవర్ అయ్యాడు. బాడీ పెంచి మాస్ హీరో లాగా మారిపోయాడు. మరి ఈ సినిమాతో సక్సెస్ కొట్టి హిట్ ట్రాక్ ఎక్కుతాడో లేదో తెలియాలంటే నవంబర్ 24వరకు వెయిట్ చేయాల్సిందే.

Follow @ Google News: గూగుల్ న్యూస్ పేజీలోని ఇండియాగ్లిట్జ్ తెలుగు వెబ్‌సైట్‌ను అనుసరించడానికి మరియు వెంటనే వార్తలను తెలుసుకోవడాని ఇక్కడ క్లిక్ చేయండి.