close
Choose your channels
IKK

நடிகர் விவேக் மரணத்திற்கு தடுப்பூசி தான் காரணமா? ஆய்வின் முடிவு வெளியீடு!

Friday, October 22, 2021 • தமிழ் Comments

பிரபல காமெடி நடிகர் விவேக் அவர்கள் கடந்த ஏப்ரல் 15ஆம் தேதி தடுப்பூசி போட்டுக் கொண்ட நிலையில் ஏப்ரல் 17ஆம் தேதி திடீரென மாரடைப்பு காரணமாக உயிரிழந்தார். இதனை அடுத்து அவர் தடுப்பூசி போட்டுக் கொண்டதால் தான் உயிரிழந்தார் என வதந்தி கிளம்பியது.

இந்த நிலையில் விழுப்புரத்தைச் சேர்ந்த சமூக ஆர்வலர் ஒருவர் நடிகர் விவேக் மரணத்திற்கு தடுப்பூசி காரணமா? என்பதை ஆய்வு செய்ய வேண்டும் என தேசிய மனித உரிமை ஆணையத்தில் புகார் அளித்திருந்தார். இந்த புகாரின் அடிப்படையில் தேசிய மனித உரிமை ஆணையம் மத்திய சுகாதாரத்துறை ஆணையத்திற்கு கடிதம் அனுப்பியது. அதில் விவேக் மரணம் குறித்து ஆய்வு செய்து அறிக்கை சமர்ப்பிக்க வேண்டும் என்று தெரிவித்திருந்தது.

இதனடிப்படையில் கடந்த சில வாரங்களாக நடிகர் விவேக் மரணத்திற்கு தடுப்பூசி காரணமா? என்று தேசிய தடுப்பூசி வல்லுநர்கள் குழு ஆய்வு நடத்தினர். இந்த ஆய்வின் முடிவில் நடிகர் விவேக் மரணத்திற்கும் தடுப்பூசிக்கும் சம்பந்தமில்லை என்றும் விவேக் அவர்கள் ரத்த உயர் அழுத்தம் காரணமாக மாரடைப்பு ஏற்பட்டதால் அவர் உயிரிழந்ததாகவும் அறிக்கையில் தெரிவிக்கப்பட்டுள்ளது. இதனை அடுத்து விவேக் மரணத்திற்கு தடுப்பூசி காரணமில்லை என்பது தற்போது உறுதி செய்யப்பட்டுள்ளது.

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.   

Get Breaking News Alerts From IndiaGlitz