close
Choose your channels

காலியான எம்.பி பதவிகள்...! திமுக -வில் யாருக்கு வாய்ப்பு..?

Wednesday, May 12, 2021 • தமிழ் Comments

தமிழகத்தில் 3 எம்.பி பதவிகள் காலியாக இருப்பதால், விரைவில் தேர்தல் நடக்கவிருப்பதாகவும், அதில் ஆளும்கட்சியே வெற்றிபெற வாய்ப்பிருப்பதாகவும் செய்திகள் கூறுகிறது.

தமிழக சட்டமன்ற தேர்தலில் திமுக 159-க்கும் அதிகமான இடங்களில் வெற்றி பெற்று ஆட்சியமைத்துள்ளது. அதிமுக 75 இடங்களில் வெற்றிபெற்றுள்ளது. அதிமுக-வைச்சார்ந்த ராஜசபா எம்.பி-க்கள் இருவர் சட்டமன்ற தேர்தலில் போட்டியிட்டு வெற்றி வாகை சூடியுள்ளனர்.



மாநிலங்களவை உறுப்பினர்களாக இருக்கும் கேபி. முனுசாமி வேப்பனஹள்ளி தொகுதியிலும், வைத்தியலிங்கம் ஒரத்தநாடு தொகுதியிலும் முறையாக போட்டியிட்டு வென்றனர். இவர்கள் எம்.பி-களாக இருப்பதால் இதே பதவியில் இருப்பார்களா..? அல்லது எம்எல்ஏ பதவியை ஏற்பார்களா..? என்ற கேள்வி அரசியல் வட்டாரத்தில் இருந்து வந்தது. முனுசாமியின் பதவிக்காலம் முடிய இன்னும் 5 ஆண்டுகளும், வைத்தியலிங்கத்தின் பதவிக்காலம் முடிய இன்னும் 1 வருடமும் உள்ளது. இந்தநிலையில் அண்மையில் இருவரும் எம்.பி பதவியை ராஜினாமா செய்துவிட்டனர். அதிமுக-வைச் சார்ந்த முகமது ஜான் என்ற எம்.பி கடந்த மார்ச்- ல் காலமானார். இவரின் பதவிக்காலம் முடிய இன்னும் 4 ஆண்டுகள் உள்ளது. இதனால் மூன்று எம்.பி பதவிகளும் காலியாகவே உள்ளன.

நடந்த சட்டமன்றத்தேர்தலில் திமுக-வின் வெற்றியை தொடர்ந்து, நடைபெறும் எம்.பி தேர்தலிலும் ஆளும்கட்சி வெற்றிபெறுவதற்கான வாய்ப்புகள் இருப்பதாக அரசியல் விமர்சகர்கள் கூறுகிறார்கள்.



திமுகவில் யாருக்கு வாய்ப்பு கிடைக்கும்...?

எம்.பி தேர்தல் குறித்து திமுக நிர்வாகி கூறியதாவது...

மூன்று எம்.பி-களின் பதவிக்காலம் 1 ஆண்டு, 4 ஆண்டுகள், 5 ஆண்டுகள் என இருப்பதால், ஒரு தொகுதியில் காங்கிரஸ்-க்கும், இரண்டு தொகுதிகளில் திமுக போட்டியிடவும் வாய்ப்புள்ளது.
போடி தொகுதியில் திமுக சார்பில் போட்டியிட்டு தோல்வியை தழுவிய தங்கத்தமிழ்ச்செல்வனுக்கும், ஈரோடு,மொடக்குறிச்சி தொகுதியில் போட்டியிட்டு குறைந்தபட்ச வாக்கு வித்தியாசத்தில் தோல்வியுற்ற சுப்புலட்சுமி ஜெகதீசனுக்கும் வாய்ப்புகள் தர விவாதம் நடந்து வருவதாக அவர் கூறியுள்ளார்.

Get Breaking News Alerts From IndiaGlitz