close
Choose your channels

யூடியூபில் ஆபாச விமர்சனம்: அடித்து உதைத்த பெண்களால் பரபரப்பு

Tuesday, September 29, 2020 • தமிழ் Comments

பெண்களை ஆபாசமாக விமர்சனம் செய்து யூடியூபில் வீடியோ பதிவு செய்த ஒருவரை மூன்று பெண்கள் இணைந்து அடித்து உதைத்த வீடியோ காட்சி தற்போது இணையதளங்களில் வைரலாக வருகிறது.

கடந்த சில வருடங்களாகவே யூடியூபில் வீடியோ சேனலை தொடங்கி இஷ்டத்துக்கு விமர்சனம் செய்பவர்களின் எண்ணிக்கை அதிகமாகி கொண்டே வருகிறது. கருத்து சுதந்திரம் என்ற பெயரில் யூடியூபில் பதிவு செய்யப்படும் பல வீடியோக்கள் சர்ச்சைக்குள்ளாகி சட்ட நடவடிக்கைகளும் எடுக்கப்பட்டுள்ளன.

இந்த நிலையில் கேரள மாநிலம் திருவனந்தபுரத்தைச் சேர்ந்த விஜய்நாயர் என்பவர் யுடியூப் சேனல் ஒன்றை நடத்தி வருகிறார். அதில் பெண்களை ஆபாசமாக சித்தரித்தும் கொச்சைப்படுத்தியும் வீடியோக்களை வெளியிட்டதாக தெரிகிறது. இதனால் ஆத்திரமடைந்த பின்னணி குரல் கலைஞர் பாக்யலட்சுமி மற்றும் மகளிர் அமைப்பைச் சேர்ந்த சிலர் விஜய்நாயர் தங்கியிருந்த விடுதிக்கு சென்று அவரை சரமாரியாக தாக்கியுள்ளனர். இதுகுறித்த வீடியோ தற்போது வைரல் ஆகி வருகிறது.

இந்த நிலையில் விஜய் நாயர் கொடுத்த புகாரின் அடிப்படையில் பாக்யலட்சுமி உள்பட 3 பெண்கள் மீது காவல்துறையினர் ஜாமீனில் வெளிவர முடியாத பிரிவுகளில் வழக்கு பதிவு செய்துள்ளனர். அதேபோல் யூடிபில் பெண்களை ஆபாசமாக விமர்சனம் செய்த விஜய்நாயர் மீதும் காவல்துறையினர் வழக்கு பதிவு செய்துள்ளனர் என்பது குறிப்பிடத்தக்கது.

Get Breaking News Alerts From IndiaGlitz