close
Choose your channels

தனியார் ஆம்புலன்ஸ்-களுக்கு கட்டணம் இவ்வளவுதான்....! தமிழக அரசு அறிவிப்பு...!

Friday, May 14, 2021 • தமிழ் Comments

சிகிச்சைக்காக நோயாளிகளை அழைத்துச் செல்லும் ஆம்புலன்சுகளுக்கான, கட்டணத்தொகையை தமிழக அரசு அறிவித்துள்ளது.

தமிழக அரசு வெளியிட்டுள்ள அறிவிப்பில் கூறியிருப்பதாவது,

"ஆக்சிஜன் வசதியில்லாமல் 10 கிமீ வரை நோயாளிகளை அழைத்துச்செல்லும் ஆம்புலன்சுகளுக்கு ரூ.1500 கட்டணம் நிர்ணயம் செய்யப்பட்டுள்ளது. 10 கிமீ-க்கும் அதிகமானால், கூடுதல் கட்டணமாக ரூ.25 வசூல் செய்து கொள்ளலாம். ஆக்சிஜன் வசதியுடன் 10 கீ.மீ நோயாளிகளை அழைத்துச்செல்ல கட்டணமாக ரூ.2000 நிர்ணயிக்கப்பட்டுள்ளது. கூடுதலாக செல்லக்கூடிய ஒவ்வொரு கி.மீ-க்கும் ரூ. 25 வசூல் செய்து கொள்ளலாம்.

வெண்டிலேட்டர் வசதியுடன் செல்லக்கூடிய ஆம்புலன்ஸ்களில், 10கி.மீ-க்கு ரூ.4000 கட்டணம் நிர்ணயம் செய்யப்பட்டுள்ளது. கூடுதலாக செல்லக்கூடிய 1கி.மீ-க்கும் ரூ.100 அதிகமாக வசூலிக்கலாம்.

நோயாளிகளிடம் இருந்து தனியார் ஆம்புலன்சுகள் அதிகமாக கட்டணம் வசூலிக்கின்றன என்று, குற்றச்சாட்டுகள் வந்ததை தொடர்ந்து தமிழக அரசு இம்முடிவை எடுத்துள்ளது. அதிக கட்டணம் வசூலித்தால் கடுமையான நடவடிக்கை எடுக்கப்படும் என்றும் எச்சரித்துள்ளது.

Get Breaking News Alerts From IndiaGlitz