close
Choose your channels
cred

மூன்றே நாட்களில் ரூ.100 கோடி கிளப்பில் இணைந்த 'மாஸ்டர்': மொத்த வசூல் எவ்வளவு?

Saturday, January 16, 2021 • தமிழ் Comments

தளபதி விஜய் நடித்த ‘மாஸ்டர்’ திரைப்படம் கடந்த 13ஆம் தேதி வெளியாகி மூன்று நாட்களும் படம் வெளியான அனைத்து திரையரங்குகளிலும் ஹவுஸ்புல் காட்சிகளாக திரையிடப்பட்டு வருகிறது என்பது தெரிந்ததே.

இந்த படத்திற்கு பெரும்பாலான விமர்சகர்கள், மற்றும் ஊடகங்கள் பாசிட்டிவ் விமர்சனத்தை கொடுத்து உள்ளனர் என்பதும் இந்த விமர்சனங்களை பார்த்து தற்போது பொங்கல் விடுமுறை என்பதால் குடும்பம் குடும்பமாக இந்த படத்தை பார்க்க திரையரங்குகளில் குவிந்து வருகின்றனர் என்பதும் குறிப்பிடத்தக்கது.

இந்த நிலையில் தற்போது ‘மாஸ்டர்’ படத்தின் 3 நாள் வசூல் குறித்த தகவல்கள் வெளிவந்துள்ளன. மூன்றே நாட்களில் இந்த படம் உலகம் முழுவதும் 102 கோடி வசூல் செய்துள்ளதாக தகவல்கள் வெளிவந்துள்ளன. தமிழகத்தில் மட்டும் 52 கோடி வசூல் செய்துள்ளதாகவும், கேரளாவில் ரூ.5 கோடி, கர்நாடகாவில் ரூ.10 கோடி, ஆந்திராவில் ரூ.14 கோடி, வட இந்தியாவில் ரூ.3 கோடி மற்றும் வெளிநாடுகளில் இந்த படம் ரூ.18 கோடி வசூல் செய்து உள்ளது என்பது குறிப்பிடத்தக்கது.

தளபதி விஜய்யின் ‘மாஸ்டர்’ திரைப்படம் வழக்கம்போல் ரூ.100 கோடி கிளப்பில் இணைந்துள்ளதை அடுத்து அவரது ரசிகர்கள் இந்த வசூல் விவரங்களை சமூக வலைதளங்களில் பகிர்ந்து கொண்டாடி வருகின்றனர் என்பது குறிப்பிடத்தக்கது.

Get Breaking News Alerts From IndiaGlitz