தளபதி விஜய் நடித்த ’கோட்’ திரைப்படம் சமீபத்தில் வெளியாகி நல்ல வரவேற்பை பெற்று வரும் நிலையில் இந்த படம் 400 கோடி ரூபாய் வசூலை நெருங்கி விட்டதாக கூறப்படுகிறது. இந்த நிலையில் தளபதி விஜய்யின் கடைசி திரைப்படம் என்று கூறப்படும் ’தளபதி 69’ படத்தின் அறிவிப்பு நாளை அதிகாரப்பூர்வமாக வெளியாக இருப்பதாக கூறப்படுகிறது.

தளபதி விஜய் நடிக்க இருக்கும் அடுத்த திரைப்படத்தை எச் வினோத் இயக்க இருக்கிறார் என்பது உறுதி செய்யப்பட்டுள்ள நிலையில் இந்த படம் குறித்த அதிகாரப்பூர்வ அறிவிப்பு நாளை வெளியாக இருப்பதாக கூறப்படுவது விஜய் ரசிகர்களுக்கு மகிழ்ச்சியை ஏற்படுத்தி உள்ளது.

ஏற்கனவே இந்த படத்தில் மலையாள நடிகை மமிதா பாஜு நடிக்க இருப்பதாக கூறப்பட்ட நிலையில் அவர் விஜய்யின் சகோதரியாக நடிக்கிறார் என்று செய்திகள் கசிந்துள்ளன. மேலும் இந்த பரதத்தில் சமந்தா மற்றும் சிம்ரன் ஆகிய இரண்டு நாயகிகள் நடிக்க இருப்பதாகவும் மொத்தத்தில் சமந்தா, சிம்ரன், மமிதா பாஜு ஆகிய மூன்று நாயகிகள் இந்த படத்தில் நடிக்க அதிக வாய்ப்பு இருப்பதாகவும் கூறப்படுகிறது.

மேலும் இந்த படத்திற்கு அனிருத் இசையமைக்க இருப்பதாகவும் இந்த படத்தின் படப்பிடிப்பு தமிழக வெற்றி கழகத்தின் முதல் மாநாடு முடிவடைந்த உடன் தொடங்கும் என்றும் கூறப்படுகிறது.