கார்த்திக் சுப்புராஜ், அட்லி எல்லாம் இல்லை.. விஜய்யின் கடைசி படத்தை இயக்குவது இவரா?


Send us your feedback to audioarticles@vaarta.com


தளபதி விஜய் அரசியல் கட்சியை தொடங்கி விட்டதால் அவர் இன்னும் ஒரு படம் மட்டுமே நடிப்பார் என்று கூறப்பட்டது. எனவே விஜய்யின் 69 வது படம் அவருடைய கடைசி படமாக இருக்கும் என்று கூறப்படும் நிலையில் அந்த படத்தை இயக்குவது யாராக இருக்கும் என்ற கேள்வி ரசிகர்கள் மத்தியில் எழுந்துள்ளது.
ஏற்கனவே கார்த்திக் சுப்புராஜ் தான் விஜய்யின் அடுத்த படத்தை இயக்க இருப்பதாக செய்திகள் வெளியான நிலையில் அடுத்ததாக அட்லியின் பெயரும் விஜய் பட இயக்குனர் பட்டியலில் இருந்தது.
இந்த நிலையில் தற்போது வந்துள்ள தகவல்படி விஜய்யின் அடுத்த படத்தை இயக்க இருப்பது எச் வினோத் என்று கூறப்படுகிறது. சமீபத்தில் விஜய்யை சந்தித்த எச் வினோத் ஒரு அரசியல் சம்பந்தப்பட்ட கதையை கூறியதாகவும் அந்த கதைக்கு விஜய் ஒப்பு கொண்டதாகவும் தெரிகிறது.
ஆனால் அதே நேரத்தில் எச் வினோத் ராஜ்கமல் பிலிம்ஸ் நிறுவனத்திற்கு ஒரு திரைப்படம் இயக்க ஒப்புக்கொண்டு இருந்த நிலையில் ராஜ்கமல் பிலிம்ஸ் நிறுவனம் அனுமதி அளித்தால் விஜய் படத்தை இயக்க முடியும் என்றும் கூறப்பட்டது.
இந்த நிலையில் தற்போது வந்துள்ள தகவல் படி ராஜ்கமல் பிலிம்ஸ் நிறுவனம் எச் வினோத்திற்கு என்ஒசி கொடுத்து விட்டதாகவும் எனவே விஜய்யின் அடுத்த படத்தை இயக்குவதில் அவருக்கு எந்த விதமான பிரச்சனை இல்லை என்றும் கூறப்படுகிறது.
எனவே எச் வினோத் இயக்கத்தில் விஜய் நடிக்கும் படம் குறித்த தகவல் எப்போது வேண்டுமானாலும் அறிவிக்கப்படலாம் என தெரிகிறது, இந்த படத்தை ’ஆர்ஆர்ஆர்’ உள்ளிட்ட பெரிய பட்ஜெட் படங்களை எடுத்த டிவிவி என்ற நிறுவனம்தான் தயாரிக்க உள்ளது என்பதும் குறிப்பிடத்தக்கது.
Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.
-
Aadhira Palani
Contact at support@indiaglitz.com
Comments