close
Choose your channels
Rajavamsam

தல அஜித்தின் 'சிட்டிசன்' இயக்குனரின் அடுத்த படம்: டிரைலர் ரிலீஸ்!

Friday, October 15, 2021 • தமிழ் Comments

தல அஜித் நடித்த ‘சிட்டிசன்’ என்ற சூப்பர் ஹிட் படத்தை இயக்கிய ஷரவணன் சுப்பையா இயக்கியுள்ள ’மீண்டும்’ என்ற திரைப்படத்தின் டிரைலர் சற்றுமுன் வெளியாகி உள்ள நிலையில் இந்த ட்ரெய்லர் வீடியோ இணையதளங்களில் வைரலாகி வருகிறது

தல அஜித், மீனா, வசுந்தரா தாஸ், நக்மா உள்பட பலர் நடித்த ‘சிட்டிசன்’ மற்றும் ஷாம், சினேகா நடித்த ‘ஏபிசிடி’ ஆகிய திரைப்படங்களை இயக்கியவர் சரவண சுப்பையா. இவர் 15 ஆண்டுகளுக்குப் பின்னர் இயக்கியுள்ள திரைப்படம் ’மீண்டும்’. இந்த படத்தின் படப்பிடிப்பு சமீபத்தில் முடிவடைந்த நிலையில் சற்று முன் இந்த படத்தின் ட்ரெய்லர் வெளியாகியுள்ளது என்பது குறிப்பிடத்தக்கது.

இந்தபடத்தில் கதிரவன், ஷரவணன் சுப்பையா, அனைகா, சுப்பிரமணிய சிவா, யார் கண்ணன், துரை சுதாகர், உள்பட பலர் நடித்துள்ளனர். நரேன் பாலகுமார் இசையில், வைரமுத்து பாடல் வரிகளில், ஸ்ரீனிவாசன் தெய்வாம்சம் ஒளிப்பதிவில், ராஜாமுகமது படத்தொகுப்பில் இந்த படம் உருவாகியுள்ளது.

இந்த படத்தின் டிரைலரில் உள்ள காட்சிகளை பார்க்கும்போது ஷரவணன் சுப்பையாவின் ‘சிட்டிசன்’ போலவே விறுவிறுப்பான திரில்லர் கதையம்சம் கொண்டது என்பது தெரிய வைக்கிறது. இந்தப் படம் விரைவில் வெளியாக உள்ளது என்பது குறிப்பிடத்தக்கது.

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.   

Get Breaking News Alerts From IndiaGlitz