close
Choose your channels
Don
Nenjukku Needhi

14 வயது சிறுமியின் பாலியல் வழக்கு… சிக்கிய பிரபல கிரிக்கெட் வீரர்!

Wednesday, December 22, 2021 • தமிழ் Sport News Comments
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com

பாகிஸ்தான் டெஸ்ட் கிரிக்கெட் அணியில் முக்கிய வீரராக இருந்துவரும் யாஷிர் ஷா, 14 வயது சிறுமி அளித்த பாலியல் புகார் ஒன்றில் தொடர்பு கொண்டிருப்பது கிரிக்கெட் உலகில் கடும் சர்ச்சையை ஏற்படுத்தியுள்ளது.

45 வயதான யாஷிர் ஷா பாகிஸ்தான் டெஸ்ட் கிரிக்கெட் அணியில் முக்கிய வீரராக இருப்பதோடு லெக் ஸ்பின்னராக குறைந்த போட்டிகளில் அதிக விக்கெட்டுகளை வீழ்த்தி உலகச் சாதனைப் படைத்துள்ளார். கடந்த 2014 முதல் பாகிஸ்தான் அணியில் விளையாடி வரும் இவர் இதுவரை 46 டெஸ்ட் போட்டிகளில் விளையாடி 235 விக்கெட்டுகளை வீழ்த்தியுள்ளார்.

இந்நிலையில் 14 வயது சிறுமி ஒருவர் இஸ்லாமாபாத், ஷாலிமார் காவல் நிலையத்தில் யாஷிர் ஷா மற்றும் அவரது நெருங்கிய நண்பர் பர்ஹான் ஆகிய இருவர் மீது பாலியல் வன்கொடுமை புகார் தெரிவித்துள்ளார். இது கிரிக்கெட் வட்டாரத்தில் கடும் பரபரப்பை ஏற்படுத்தி இருக்கிறது.

அந்தப் புகாரில் யாஷிர் ஷாவின் நண்பர் பர்ஹான் தன்னை துப்பாக்கி முனையில் கடத்திச் சென்று பாலியல் வன்கொடுமை செய்ததாகக் கூறிய அந்த சிறுமி இதுகுறித்து யாஷிர் ஷாவிடம் உதவிக்கேட்டபோது, பர்ஹானுக்கு சிறுமி என்றால் அதிகம் பிடிக்கும். இதைப் பெரிதுப்படுத்த வேண்டாம், தனக்கு உயர் அதிகாரிகள் பலரைத் தெரியும், ஒருவேளை இதை வெளியே சொன்னால் வீடியோவை வெளியிட்டு விடுவேன் என்று தன்னை மிரட்டியதாக சிறுமி தெரிவித்து உள்ளார்.

மேலும் ஷாலிமார் காவல் நிலையத்தில் புகார் அளித்தப்பின்பு சிறுமியைத் தொடர்பு கொண்ட யாஷிர் ஷா இது சம்பந்தமாக மவுனமாக இருந்துவிட்டால் ஒரு வீடு மற்றும் மாதம் மாதம் செலவுக்கு பணம் கொடுப்பதாகக் கூறியதாகவும் தற்போது சிறுமி பரபரப்பு குற்றச்சாட்டை சுமத்தியுள்ளார். இதனால் பாலியல் வன்கொடுமைக்கு உதவியது, கொலை மிரட்டல் போன்ற குற்றத்திற்காக யாஷிர் ஷா மீது வழக்குப் பதிவு செய்யப்பட்டு உள்ளதும் குறிப்பிடத்தக்கது.

இதையடுத்து 14 வயது சிறுமி அளித்த பாலியல் புகாரில் முன்னணி யாஷர் ஷா சிக்கியிருப்பது ரசிகர்களுக்கு கடும் அதிர்ச்சியை ஏற்படுத்தியுள்ளது. ஆனால் தன்மீது சுமத்தப்பட்டுள்ள இந்தக் குற்றச்சாட்டிற்கு யாஷிர் ஷா இதுவரை எந்த பதிலையும் அளிக்கவில்லை என்பதும் குறிப்பிடத்தக்கது.

 

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.