close
Choose your channels

16 வயது சிறுமியின் ரொமான்ஸ் வீடியோ: குழந்தைகள் நல அலுவலகம் எடுத்த அதிரடி நடவடிக்கை!

Thursday, May 13, 2021 • தமிழ் Comments

சமூக வலைதளங்களில் ரொமான்ஸ் வீடியோ வெளியிட்ட 16 வயது சிறுமி குழந்தைகள் காப்பகத்தில் ஒப்படைக்கப்பட்டுள்ளது பெரும் பரபரப்பை ஏற்படுத்தி உள்ளது

கடலூர் மாவட்டம் நெல்லிக்குப்பம் என்ற பகுதியைச் சேர்ந்த 16 வயது சிறுமிக்கும் சென்னையை சேர்ந்த 17 வயது சிறுவனுக்கும் முகநூல் மூலம் நட்பு ஏற்பட்டது. இந்த நட்பு நாளடைவில் காதலாக மாறியதை அடுத்து இருவரும் சமூக வலைதளங்கள் மூலம் பல வீடியோ மெசேஜ்களை பகிர்ந்து கொண்டனர். இந்த விவரம் இருதரப்பு பெற்றோருக்கும் தெரியவந்தும், அவர்களும் இந்த காதல் வீடியோக்களுக்கு ஆதரவு கொடுத்துள்ளனர் என்பது தான் பெரும் ஆச்சரியம்

இந்த நிலையில் சிறுமியின் ரொமான்ஸ் வீடியோக்கள் சமூக வலைதளங்களில் வைரலாகிய நிலையில் குழந்தைகள் காப்பக அலுவலத்திற்கு சமூக ஆர்வலர்கள் புகார் அளித்தனர். இந்த புகாரின் அடிப்படையில் குழந்தைகள் காப்பக அலுவலர், காவல்துறையினர் உதவியுடன் சிறுமியிடம் விசாரணை செய்தனர். இதனையடுத்து அந்த சிறுமி கடலூர் குழந்தைகள் காப்பகத்தில் ஒப்படைக்கப்பட்டுள்ளதாக தகவல்கள் வெளிவந்துள்ளன

இந்த நிலையில் இது குறித்து அந்த சிறுமி தற்போது தனது இன்ஸ்டாகிராமில் வீடியோ ஒன்றை வெளியிட்டுள்ளார். அதில் லைக்ஸ் வேண்டும் என்பதற்காக விளையாட்டுத்தனமாக அந்த வீடியோவை தான் பதிவு செய்ததாகவும், அந்த வீடியோவால் பல பிரச்சினைகள் ஏற்பட்டு தற்போது தான் ட்ரோல் செய்யப்பட்டு வருவதாகவும், தான் செய்தது தவறு என்பதை ஒப்புக் கொள்வதாகவும் தெரிவித்துள்ளார்

மேலும் தன்னுடைய வயது உள்ளவர்கள் இதேபோல் செய்யக்கூடாது என்பதற்கான தான் ஒரு உதாரணம் என்றும் தன்னுடைய செயலுக்காக தான் மிகுந்த வருந்துவதாகவும் அவர் அந்த வீடியோவில் தெரிவித்துள்ளார்

Get Breaking News Alerts From IndiaGlitz