close
Choose your channels

கிஷோர் கே ஸ்வாமியை அடுத்து மேலும் ஒருவர் மீது பாய்ந்தது குண்டர் சட்டம்!

Friday, June 25, 2021 • தமிழ் Comments

அரசியல் தலைவர்களை சமூக வலைதளங்களில் அவதூறாக விமர்சனம் செய்ததாக அரசியல் விமர்சகர் கிஷோர் கே ஸ்வாமி கைது செய்யப்பட்ட நிலையில் அவர் மீது குண்டர் சட்டத்தின் கீழ் நடவடிக்கை எடுக்க சென்னை காவல்துறை ஆணையர் இன்று உத்தரவிட்டார் என்ற செய்தியை சற்று முன் பார்த்தோம். இந்த நிலையில் கிஷோர் கே ஸ்வாமியை அடுத்து மேலும் ஒருவர் மீது குண்டர் சட்டம் பாய்ந்துள்ளது.

சென்னை கேகே நகர் பத்மா சேஷாத்ரி பள்ளி ஆசிரியர் ராஜகோபால் என்பவர் பள்ளி மாணவிகளுக்கு பாலியல் தொல்லை கொடுத்ததாக வழக்குப்பதிவு செய்யப்பட்டது என்பது தெரிந்ததே. போக்சோ சட்டத்தின் கீழ் வழக்கு பதிவு செய்யப்பட்ட நிலையில் அவர் கைது செய்யப்பட்டு சிறையில் அடைக்கப்பட்டார். இந்த நிலையில் ராஜகோபாலன் மீது மாணவிகள் பலர் தொடர்ச்சியாக பாலியல் புகார்களை தெரிவித்து வரும் நிலையில் சற்று முன்னர் சென்னை காவல்துறை ஆணையர், ஆசிரியர் ராஜகோபாலன் மீது குண்டர் சட்டத்தின் கீழ் நடவடிக்கை எடுக்க உத்தரவிட்டுள்ளார். இதனால் இன்று ஒரே நாளில் இரண்டு பேர் மீது குண்டர் சட்டம் பாய்ந்துள்ளது என்பது குறிப்பிடத்தக்கது. 

குண்டர் சட்டம் பாய்ந்தால் ஒரு வருடத்திற்கு ஜாமீன் கிடைக்காது என்பதால் ஆசிரியர் ராஜகோபாலன் இன்னும் ஒரு வருஷம் சிறையில் இருந்து தீர வேண்டும் என்பது குறிப்பிடத்தக்கது. ஒரே நாளில் அடுத்தடுத்து இரண்டு பேர் மீது குண்டர் சட்டத்தின் மீது நடவடிக்கை எடுக்க சென்னை காவல்துறை ஆணையர் உத்தரவிட்டது பரபரப்பை ஏற்படுத்தி உள்ளது.

Get Breaking News Alerts From IndiaGlitz