close
Choose your channels

டெல்லியில் தோனியை சந்தித்த தமிழக அமைச்சர்: வைரல் புகைப்படம்!

Friday, June 18, 2021 • தமிழ் Comments

தமிழக முதல்வர் முக ஸ்டாலின் அவர்கள் நேற்று டெல்லி சென்றார் என்பதும் அவர் நேற்று பிரதமர் மோடியை சந்தித்து தமிழகத்திற்கு தேவையானவற்றை வலியுறுத்தினார் என்பதும் தெரிந்ததே. மேலும் இன்று அவர் சோனியா காந்தி, ராகுல் காந்தி உள்பட பல தலைவர்களை சந்தித்து உள்ளார்

இந்த நிலையில் தமிழக முதல்வருடன் டெல்லி சென்ற அமைச்சர்களில் ஒருவரான துரைமுருகன் டெல்லியில் தல தோனியை சந்தித்து பேசியதாக தகவல்கள் வெளிவந்துள்ளன. டெல்லி சென்ற அமைச்சர் துரைமுருகன் தோனியை நேரில் சந்தித்து ’கிரிக்கெட்டில் தூள் கிளப்பினீர்கள் என புகழாரம் சூட்டிய தகவல்கள் வெளிவந்துள்ளன. மேலும் தோனி அவரது மனைவி சாக்ஷி மற்றும் தோனி மகளுடன் இணைந்து அவர் புகைப்படம் ஒன்றையும் எடுத்துக் கொண்டார் என்பதும், இந்த புகைப்படம் தற்போது வைரலாகி வருகிறது என்பது குறிப்பிடதக்கது

ஏற்கனவே கடந்த 2018 ஆம் ஆண்டு சென்னையில் ஐபிஎல் போட்டி நடந்தபோது தோனியை அமைச்சர் துரைமுருகன் சந்தித்தார் என்பதும் அப்போது துரைமுருகனுக்கு தோனி ஆட்டோகிராப் போட்ட மஞ்சள் நிற டி-சர்ட்டை பரிசாக அளித்தார் என்பதும் குறிப்பிடத்தக்கது

Get Breaking News Alerts From IndiaGlitz