இந்த ஆண்டு இசைஞானி இளையராஜாவின் பிறந்த நாள் ஒரு சிறப்பு நாளாகும் என்றும், அன்றைய தினத்தில் அவருக்கு பாராட்டு விழா நடத்தப்படும் என்றும் தமிழக முதல்வர் மு. க. ஸ்டாலின் இன்று சட்டமன்றத்தில் தெரிவித்தார்.

இசைஞானி இளையராஜா, சிம்பொனி இசை நிகழ்ச்சியை லண்டனில் மார்ச் 8 ஆம் தேதி அரங்கேற்றிய நிலையில், அவருக்கு நாடு முழுவதிலும் இருந்து பாராட்டுக்கள் குவிந்தன. மேலும், அவரை நேரில் சந்தித்து பிரதமர் நரேந்திர மோடி, முதல்வர் ஸ்டாலின் உள்ளிட்டோர் வாழ்த்து தெரிவித்தனர்.

சமூக வலைதளங்களில் சூப்பர் ஸ்டார் ரஜினிகாந்த், உலகநாயகன் கமல்ஹாசன் உட்பட ஒட்டுமொத்த திரையுலகினர் வாழ்த்து தெரிவித்தனர் என்பது தெரிந்தது.

இந்த நிலையில், லண்டனில் இருந்து இளையராஜா சிம்போனி இசையை அரங்கேற்றிவிட்டு திரும்பி வந்துள்ள நிலையில், அவரது அரை நூற்றாண்டு இசை பயணத்தை கொண்டாடும் வகையில், அவரது பிறந்த நாளான ஜூன் 2 ஆம் தேதி, அவருக்கு பாராட்டு விழா நடத்தப்படும் என தமிழக முதல்வர் மு. க. ஸ்டாலின் இன்று சட்டப்பேரவையில் தெரிவித்தார்.

இந்த பாராட்டு விழாவில் ஒட்டுமொத்த திரையுலகினரும் கலந்து கொள்வார்கள் என்று எதிர்பார்க்கப்படுகிறது.