பிரபல பாலிவுட் நடிகர்களான ஷாருக்கான் மற்றும் சல்மான்கான் ஆகிய இருவரும் இணைந்து நடிக்கும் திரைப்படத்தை பிரபல தமிழ் இயக்குனர் ஒருவர் இயக்க இருப்பதாக வந்திருக்கும் தகவல் பரபரப்பை ஏற்படுத்தி உள்ளது.

தமிழ் திரையுலகின் முன்னணி இயக்குனர்களில் ஒருவர் ஏஆர் முருகதாஸ் என்பதும் இவர் ரஜினிகாந்த், அஜித், விஜய், சூர்யா உள்பட பல பிரபல நடிகர்களின் படங்களை இயக்கி உள்ளார் என்பதும் தெரிந்ததே.

இந்த நிலையில் பாலிவுட் திரையுலகின் பிரபல நடிகர்களான ஷாருக்கான் மற்றும் சல்மான்கான் ஆகிய இருவரும் இணைந்து நடிக்கும் திரைப்படத்தை ஏஆர் முருகதாஸ் இயக்க இருப்பதாகவும் இது குறித்த அறிவிப்பு விரைவில் வெளியாகும் என்றும் கூறப்படுகிறது. இது ஒரு இரண்டு ஹீரோ சப்ஜெக்ட் கதை என்றும் ஷாருக்கான், சல்மான்கான் ஆகிய இருவருமே இந்த கதையை கேட்டு நடிக்க ஒப்புக் கொண்டதாகவும் கூறப்படுகிறது.

ஏற்கனவே பாலிவுட்டில் அமீர்கான் நடித்த ’கஜினி’ திரைப்படத்தை ஏஆர் முருகதாஸ் இயக்கி உள்ளார் என்பதும் அந்த திரைப்படம் மிகப் பெரிய வெற்றி பெற்றது என்பது குறிப்பிடத்தக்கது.

ரஜினிகாந்த் நடித்த ’தர்பார்’ படத்தை இயக்கியதை அடுத்து வேறு பட வாய்ப்புகள் இல்லாமல் இருக்கும் ஏஆர் முருகதாஸ் அவர்களுக்கு மிகப்பெரிய வாய்ப்பாக ஷாருக்கான், சல்மான்கான் ஆகிய இருவரும் இணையும் படத்தை இயக்கும் வாய்ப்பு கிடைத்துள்ளதை பார்த்து இந்திய திரையுலகையே ஆச்சரியப்படுத்தி உள்ளது என்பது குறிப்பிடதக்கது.