close
Choose your channels
IKK

ஆபாச சைட்டில் கணக்கு பாடம் நடத்திய ஆசிரியர்… மாணவர் ரியாக்ஷன்ஸ் என்ன தெரியுமா?

Tuesday, October 26, 2021 • தமிழ் Comments

ஆபாச வீடியோ வெளியிடும் வெப் சைட் ஒன்றில் தைவான் நாட்டைச் சேர்ந்த கணக்கு ஆசிரியர் சாங் சூ என்பவர் தனது கணித வீடியோக்களைப் பதிவிட்டு ஆண்டுதோறும் கோடிக்கணக்கில் வருமானம் ஈட்டிவருகிறார். இந்தத் தகவல் தற்போது நெட்டிசன்களிடையே தீயாய் பரவி வருகிறது.

தைவான் நாட்டைச் சேர்ந்த சாங் சூ என்பவர் கணக்குப் பாடத்தில் முதுகலைப் பட்டம் பெற்றுள்ளார். பள்ளி மாணவர்களுக்கு கணக்குப் பாடம் நடத்திக் கொண்டிருந்த இவருக்கு ஆன்லைன் வகுப்பெடுக்கும் ஆர்வம் வந்திருக்கிறது. இதற்காக கணக்குப் பாடங்களை சிறுசிறு வீடியோக்களாக ரெக்கார்ட் செய்து அதை பார்ன் வீடியோ பார்க்கும் வெப் சைட் ஒன்றில் பதிவிட்டுள்ளார்.

முதலில் இதற்கு பெரிய அளவில் வரவேற்பு கிடைக்காது என்றே சாங் சூ கருதிக் கொண்டிருந்தாராம். ஆனால் நாளடைவில் சாங் சூ பதிவிடும் வீடியோக்களை ஆபாச வீடியோ தளத்தில் தேடிப்படிக்கும் மாணவர்களின் எண்ணிக்கை நாளுக்குநாள் அதிகரித்து இருக்கிறது. இதனால் பார்வையாளர்களின் எண்ணிக்கை அதிகமாகி தற்போது ஆண்டுதோறும் 75 லட்சம் தைவான் டாலரை வருமானமான பெற்று வருகிறார்.

இது அமெரிக்க மதிப்பில் 2.5 லட்சம் டாலர் என்பதும் இந்திய மதிப்பில் 1.87 கோடி ரூபாய் என்பதும் குறிப்பிடத்தக்கது. சோஷியல் மீடியாவில் தனிக்கவனம் பெற்றிருக்கும் இந்தத் தகவலைப் பார்த்த நெட்டிசன்ஸ், இதுவும் செம ஐடியா… எனக் கருத்துப் பகிர்ந்து கொண்டு வருகின்றனர்.

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.   

Get Breaking News Alerts From IndiaGlitz