close
Choose your channels
anabel
friendship

'எதற்கும் துணிந்தவன்' 3வது லுக்: சூர்யா ரசிகர்களுக்கு இன்று செம விருந்து!

Friday, July 23, 2021 • தமிழ் Comments

நடிகர் சூர்யா இன்று பிறந்தநாள் கொண்டாடி வரும் நிலையில் அவர் நடித்து வரும் 40வது திரைப்படத்தின் டைட்டில் நேற்று மாலை 6 மணிக்கு வெளியானது. ‘எதற்கும் துணிந்தவன்’ என்று இந்த படத்திற்கு டைட்டில் வைக்கப்பட்டிருந்ததை அடுத்து நேற்று நள்ளிரவு 12 மணிக்கு சூர்யாவுக்கு பிறந்தநாள் வாழ்த்து கூறிய சன் பிக்சர்ஸ் நிறுவனம் ’எதற்கும் துணிந்தவன்’ படத்தின் இரண்டாவது லுக் போஸ்டரை வெளியிட்டது என்பது குறிப்பிடத்தக்கது.

இந்த நிலையில் சற்று முன் ’எதற்கும் துணிந்தவன்’ படத்தின் மூன்றாவது லுக்கை சன்பிக்சர்ஸ் சற்றுமுன் வெளியிட்டுள்ளது. வித்தியாசமான கெட்டப்பில் சூர்யா இருக்கும் இந்த லுக் தற்போது வைரலாகி வருகிறது என்பது குறிப்பிடத்தக்கது. சூர்யாவின் ’எதற்கும் துணிந்தவன்’ திரைப்படத்தின் பர்ஸ்ட் லுக், செகண்ட் லுக், மூன்றாவது லுக் என சூர்யா ரசிகர்களுக்கு அடுத்தடுத்து இன்ப அதிர்ச்சி கொடுத்து கொண்டிருக்கும் சன் பிக்சர்ஸ் நிறுவனம் இன்று மாலைக்குள் வேறு என்னென்ன அறிவிப்புகளை வெளியிடும் என்பதை பொறுத்திருந்து பார்க்கலாம்.

அதுமட்டுமின்றி இன்று மாலை சூர்யா நடித்து வரும் 39வது படத்தின் பர்ஸ்ட் லுக் போஸ்டர் வெளியாக இருப்பதாகவும் அறிவிப்பு வெளியாகி உள்ளது. இதனை அடுத்து சூர்யா ரசிகர்களுக்கு இன்று முழுவதும் செம் குஷியாக உள்ளனர் என்பது குறிப்பிடத்தக்கது.

Get Breaking News Alerts From IndiaGlitz