சூர்யா நடிப்பில், கார்த்திக் சுப்புராஜ் இயக்கத்தில் உருவான "ரெட்ரோ" என்ற படத்தின் படப்பிடிப்பு முடிவடைந்து, தற்போது தொழில்நுட்ப பணிகள் விறுவிறுப்பாக நடைபெற்று வருகிறது. இந்த நிலையில், இன்று இந்த படத்தின் இரண்டு நிமிட டீசர் வெளியாகி, அதில் ரிலீஸ் தேதியும் மீண்டும் ஒருமுறை அதிகாரப்பூர்வமாக அறிவிக்கப்பட்டுள்ளது.

ரவுடியாக இருக்கும் சூர்யா காதலுக்காக மாறி, காதலி பூஜா ஹெக்டேவிடம் காதல் வசனம் பேசி, அதன் பின் "நாம் கல்யாணம் பண்ணிக்கலாமாடி?" என்று கேட்கும் காட்சியும், அதற்கு பூஜா ஹெக்டே சம்மதம் தெரிவிக்க, அதன்பின் நடக்கும் ட்விஸ்ட் என்ன?" என்பதுதான் "ரெட்ரோ" படத்தின் கதை என டீசரில் உள்ள காட்சிகளில் இருந்து தெரிய வருகிறது.

மேலும், இந்த படம் மே 1 ஆம் தேதி தொழிலாளர் தினத்தில் வெளியாகும் என்றும் இந்த டீசரில் அறிவிக்கப்பட்டுள்ளது என்பது குறிப்பிடத்தக்கது. சந்தோஷ் நாராயணன் இசையில் உருவாகியுள்ள இந்த படத்தை, சூர்யாவின் 2D என்டர்டெயின்மென்ட் நிறுவனம் மற்றும் கார்த்திக் சுப்பராஜின் ஸ்டோன் பெஞ்ச் நிறுவனம் தயாரித்துள்ளது.

சூர்யா மற்றும் கார்த்திக் சுப்புராஜ் முதல் முறையாக இந்த படத்தில் இணைந்துள்ள நிலையில், இது ரசிகர்கள் மத்தியில் பெரும் எதிர்பார்ப்பை ஏற்படுத்தியுள்ளது.