close
Choose your channels
sisa

இடதுகால் தசைநார் சேதம்: 21 ஆண்டுகளாக சிகிச்சை செய்யாமல் இருக்கும் சூப்பர் ஸ்டார் நடிகர்!

Thursday, August 5, 2021 • தமிழ் Comments

இடது காலில் தசைநார் சேதமடைந்த நிலையில் அந்த அதற்கு 21 ஆண்டுகளாக சூப்பர் ஸ்டார் நடிகர் ஒருவர் சிகிச்சை செய்யாமல் இருக்கும் தகவல் தற்போது வெளிவந்துள்ளது.

தமிழ் மலையாளம் உள்பட பல மொழிகளில் சூப்பர்ஹிட் படங்களில் நடித்து வருபவர் மலையாள சூப்பர் ஸ்டார் மம்முட்டி என்பது தெரிந்தது. இவரது படத்திற்கு மிகப்பெரிய வரவேற்பு இருக்கும் என்பதும் இவருக்கு ஏராளமான ரசிகர்கள் கேரளாவில் மட்டுமின்றி தமிழகம் உள்பட பல மாநிலங்களில் உள்ளனர் என்பதும் குறிப்பிடத்தக்கது.

இந்த நிலையில் நடிகர் மம்முட்டி சமீபத்தில் கோழிக்கோடு என்ற பகுதியில் பிரபல தனியார் மருத்துவமனையில் நடைபெற்ற ரோபோடிக் அறுவை சிகிச்சை திட்ட தொடக்க விழாவில் கலந்து கொண்டார். அந்த நிகழ்ச்சியில் அவர் பேசியபோது ’தனக்கு இடது கால் தசைநார் 21 ஆண்டுகளுக்கு முன்பு சேதமானதாகவும் அதற்கு தான் 21 ஆண்டுகளாக சிகிச்சை செய்யவில்லை என்றும் கூறினார். இடது கால் தசைநார் சரி செய்ய வேண்டுமானால் அறுவை சிகிச்சை செய்ய வேண்டும் என்று மருத்துவர்கள் கூறினார்கள் என்றும் ஆனால் அறுவை சிகிச்சை செய்தால் கால் குட்டை ஆகிவிடும் என்பதாலும் அதை வைத்து தன்னை கிண்டல் செய்ய வாய்ப்பிருக்கிறது என்பதாலும் இதுவரை அறுவை சிகிச்சை மேற்கொள்ளவில்லை என்றும் அவர் கூறினார்.

காலில் ஏற்பட்ட காயத்திற்கு 21 ஆண்டுகளாக சிகிச்சை செய்யாமல் மம்முட்டி இருப்பது குறித்த தகவல் தற்போது மலையாள திரையுலகினர் மத்தியில் பரபரப்பை ஏற்படுத்தி உள்ளது.

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.   

Get Breaking News Alerts From IndiaGlitz