விஜய் டிவியில் ஒளிபரப்பான சூப்பர் சிங்கர் நிகழ்ச்சியின் மூலம் பிரபலமான பிரகதி தற்போது ஒருவரை காதலித்து வருவதாக கூறப்படுகிறது. இதுகுறித்த புகைப்படம் ஒன்று வெளிவந்ததை அடுத்து, அந்த காதலர் யார் என்பதை ரசிகர்கள் கண்டுபிடிக்க முயன்றதால் பரபரப்பு ஏற்பட்டுள்ளது.

சூப்பர் சிங்கர் மூலம் பிரபலமான பிரகதி குருபிரசாத், அதன் பின்னர் பாலாவின் ’தாரை தப்பட்டை’ திரைப்படத்தில் ஒரு முக்கியக் கதாபாத்திரத்தில் நடித்திருந்தார். அதுமட்டுமின்றி, தமிழ் திரைப்படங்களில் பல பாடல்களை பாடியுள்ளார். குறிப்பாக யுவன் சங்கர் ராஜா, ஜிப்ரான், ஜிவி பிரகாஷ், அனிருத் உள்ளிட்டோரின் இசையமைப்பில் இவர் பாடிய பாடல்கள் மிகப்பெரிய ஹிட் ஆனது. மேலும், இன்ஸ்டாகிராமில் பிரபலமான பிரகதிக்கு ஆயிரக்கணக்கான ஃபாலோயர்கள் இருப்பதும் குறிப்பிடத்தக்கது.

இந்த நிலையில், நடிகர் அசோக் செல்வனை பிரகதி காதலிப்பதாக கூறப்பட்ட நிலையில், அசோக் செல்வன் அதை மறுத்து, தான் கீர்த்தி பாண்டியனை காதலிப்பதாக கூறியதோடு, அவரை திருமணம் செய்துகொண்டார். இதற்கிடையில், தற்போது தனது காதலருடன் இருக்கும் புகைப்படத்தை பிரகதி குருபிரசாத் இன்ஸ்டா பக்கத்தில் பதிவு செய்துள்ளார்.

அந்த புகைப்படத்தில் இருப்பது சாம் விஷால் என நெட்டிசன்கள் கண்டுபிடித்துள்ளனர். சூப்பர் சிங்கர் போட்டியாளர்களில் ஒருவரான சாம் விஷால் தற்போது YouTube-ல் சில நிகழ்ச்சிகளை நடத்தி வருகிறார். அவர்தான் குரு பிரசாத் பிரகதியின் காதலர்" என்று நெட்டிசன்கள் கருத்து தெரிவிக்கின்றனர்.

இருப்பினும், இது ஏதோ ஒரு ஆல்பத்தின் படப்பிடிப்பாக இருக்கலாம் என்றும், பிரகதி இதை அதிகாரப்பூர்வமாக அறிவித்தால் மட்டுமே உண்மை தெரிய வரும் என்றும் சில ரசிகர்கள் கூறி வருகின்றனர்.

View this post on Instagram

A post shared by Pragathi Guruprasad (@pragathiguru)