close
Choose your channels
NMM
NMM

அவங்க ஒரு டேமேஜ் ஹீரோயின்: 'காபி வித் காதல்' நடிகையை கேலி செய்த சுந்தர் சி

Monday, September 26, 2022 • தமிழ் Comments
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com

சுந்தர் சி இயக்கிய 'காபி வித் காதல்’ திரைப்படம் விரைவில் ரிலீசாக இருக்கும் நிலையில் இந்த படத்தின் இசை வெளியீட்டு விழா இன்று சென்னையில் நடைபெற்றது. இதில் சுந்தர் சி, குஷ்பு உள்பட படக்குழுவினர் பலர் கலந்து கொண்டனர்

இந்த விழாவில் சுந்தர் சி பேசிய போது ’இந்த படத்தில் நான்கு நாயகிகள் குறித்து பேசினார். அதில் குறிப்பாக மாளவிகா ஷர்மா குறித்து பேசியபோது, ‘அவர் ஒரு டேமேஜ் ஹீரோயின் என்று கூறினார். இந்த படத்தின் படப்பிடிப்பின்போது அவ்வப்போது அவருக்கு காயம் ஏற்பட்டதாகவும் அதனால் தான் அவரை டேமேஜ் ஹீரோயின் என்று கூறுவதாக கூறினார்

பொதுவாக ஆக்சன் படம் என்றால் ஹீரோவுக்கு தான் காயம் ஏற்படும் என்றும், ஆனால் இது ஒரு ரொமாண்டிக் படம் என்பதால் மாளவிகாவுக்கு அதிகம் காயம் ஏற்பட்டது என்றும் தெரிவித்தார். ஒருமுறை படப்பிடிப்பின்போது அவர் கண்ணில் அடிபட்டு விட்டது என்றும் இன்னொரு நாள் கையில் அடிபட்டுவிட்டது என்றும் இன்னொரு நாள் கால் முட்டி வீங்கிவிட்டது என்றும் இதனால் அவருடைய காட்சிகளை கஷ்டப்பட்டு படமாக்கினோம் என்று கூறினார். மேலும் அவர் ஒரு வக்கீல் என்றும் அவர் பயங்கரமாக சட்டம் பேசுவார் என்று எதிர்பார்த்தோம், ஆனால் மிகவும் சாதுவாக இருந்தார் என்றும் சுந்தர் சி அவரை கேலியுடன் கூறினார். அதேபோல் அம்ரிதா ஐயர், ஐஸ்வர்யா தத்தா, டிடி மற்றும் ரைசா விலசன் ஆகியோர் குறித்தும் அவர் இந்த விழாவில் பேசினார்

ஜீவா, ஜெய், ஸ்ரீகாந்த், மாளவிகா சர்மா, ரைசா வில்சன், அம்ரிதா ஐயர்,ஐஸ்வர்யா தத்தா, யோகிபாபு, ரெடின் கிங்ஸ்லி, பிரதாப் போத்தன், திவ்யதர்ஷினி (டிடி), விச்சு விஸ்வநாத் சம்யுக்தா ஷண்முகம், அருணா பால்ராஜ், பேபி விர்த்தி உள்பட பலர் இந்த படத்தில் நடித்துள்ளனர். சுந்தர் சி இயக்கத்தில் யுவன்ஷங்கர் ராஜா இசையில் E.கிருஷ்ணசாமி ஒளிப்பதிவில், ஃபென்னி ஆலிவர் படத்தை ரெட் ஜெயண்ட் மூவீஸ் நிறுவனம் வெளியிடுகிறது.

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.