close
Choose your channels
naaney_varuven
Ponniyin_Selvan

சுந்தர் சியின் 'பட்டாம்பூச்சி' ரிலீஸ் தேதி: 9 படங்களுடன் ரிலீஸ் ஆகிறதா?

Tuesday, June 14, 2022 • தமிழ் Comments
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com

சுந்தர் சி நடித்த ‘பட்டாம்பூச்சி’ என்ற திரைப்படத்தின் படப்பிடிப்பு மற்றும் போஸ்ட் புரொடக்ஷன் பணிகள் முடிவடைந்துள்ள நிலையில் இந்த படத்தின் ரிலீஸ் தேதி குறித்த தகவல் தற்போது வெளிவந்துள்ளது.

சுந்தர்சி நாயகனாகவும் ஜெய் வில்லனாகவும் நடித்த அதிரடி ஆக்சன் திரைப்படம் ‘பட்டாம்பூச்சி’. இந்த படத்தின் டிரைலர் சமீபத்தில் வெளியாகி மிகப்பெரிய வரவேற்பை பெற்றது என்பதும், முதல் முதலாக ஒரு சைக்கோ வில்லன் கேரக்டரில் ஜெய் நடித்து இருப்பதால் இந்த படத்திற்கு மிகப்பெரிய எதிர்பார்ப்பு ஏற்பட்டுள்ளது என்பதும் தெரிந்ததே. அதேபோல் போலீஸ் கேரக்டரில் நடித்துள்ள சுந்தர் சி நடித்துள்ளார் என்பது குறிப்பிடத்தக்கது.

இந்த நிலையில் ‘பட்டாம்பூச்சி’ திரைப்படம் ஜூன் 24-ஆம் தேதி வெளியாக இருப்பதாகவும் இந்த படத்துடன் மொத்தம் 9 படங்கள் அதே நாளில் ரிலீஸ் ஆக இருப்பதாகவும் தகவல்கள் வெளியாகியுள்ளன. ஜூன் 24ஆம் தேதி ஏற்கனவே ’கடமையை செய்’ ’மாயோன்’ ’இரவில் நிழல்’ ’டைட்டானிக் காதலும் கடந்து போகும்’ ’மாமனிதன்’ ‘வேழம்’ உட்பட ஒரு சில படங்கள் ரிலீஸ் தேதியாக அறிவித்து உள்ளன. இருப்பினும் கடைசி நேரத்தில் ஒரு சில படங்களின் ரிலீஸ் தேதியில் மாற்றம் ஏற்படுமா? என்பதை பொறுத்திருந்து பார்ப்போம்.

பத்ரி இயக்கத்தில் சுந்தர் சி , ஜெய், ஹனி ரோஸ், இமான் அண்ணாச்சி, பேபி மானஸ்வி மற்றும் பலர் நடித்துள்ள ‘பட்டாம்பூச்சி’ படத்திற்கு கிருஷ்ணசுவாமி ஒளிப்பதிவும், பென்னிஆலிவர் படத்தொகுப்பு பணியும் செய்துள்ளனர். சமீபத்தில் வெளியான இப்படத்தின் ஃபர்ஸ்ட் லுக் மற்றும் மோஷன் போஸ்டர் மிகப்பெரிய வரவேற்பை பெற்றது என்பதும், அதேபோல் ‘வேட்டைகள் ஆரம்பம்’ என்ற சிங்கிள் பாடலும் ரிலீஸாகி நல்ல வரவேற்பை பெற்றது என்பதும் குறிப்பிடத்தக்கது.

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.