close
Choose your channels
Rocketry
Yaanai

அசத்தலான யார்க்கர்கள்: தமிழக பந்துவீச்சாளர் நடராஜனுக்கு குவியும் வாழ்த்துக்கள்

Wednesday, September 30, 2020 • தமிழ் Comments
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com

நேற்று நடைபெற்ற டெல்லி மற்றும் ஹைதராபாத் அணிகளுக்கு இடையே நடைபெற்ற ஐபிஎல் கிரிக்கெட் போட்டியில் ஐதராபாத் அணி 15 ரன்கள் வித்தியாசத்தில் அபாரமாக வெற்றி பெற்றது. இந்த ஐபிஎல் தொடரில் தொடர்ச்சியாக 2 தோல்வி அடைந்திருந்த ஹைதராபாத்துக்கு நேற்றைய வெற்றி பெரும் ஆறுதலாக இருந்தது மட்டுமன்றி புள்ளி பட்டியலில் கடைசி இடத்தில் இருந்த ஐதராபாத் அணி ஆறாவது இடத்திற்கு முன்னேறியது என்பது குறிப்பிடத்தக்கது

இந்த நிலையில் இந்த போட்டியில் ஐதராபாத் அணியின் பேட்ஸ்மேன்கள் சிறப்பாக விளையாடினார்கள் என்றாலும் டெல்லி அணியை இலக்கை அடைய முடியாமல் கட்டுப்படுத்திய ஹைதராபாத் பந்துவீச்சாளர்களும் இந்த வெற்றிக்கு முக்கிய காரணம் என்பது குறிப்பிடத்தக்கது

குறிப்பாக தமிழக வீரர் நடராஜன், புவனேஷ் குமார் மற்றும் ரஷித்கான் ஆகிய மூவரின் பந்துவீச்சு சிறப்பாக இருந்தது. ஐபிஎல் போட்டியை பொறுத்தவரை 18 முதல் 20 வரையிலான மூன்று ஓவர்கள் மிக முக்கியமானதாக இருக்கும். அந்த வகையில் 18-வது ஓவரை வீசிய நடராஜன் 5 பந்துகளில் 7 ரன்கள் மட்டுமே கொடுத்து ஆறாவது பந்தில் ஒரு விக்கெட்டை வீழ்த்தினார் என்பதும், அதுவும் அதிரடியாக மன்னன் ஸ்டோனிஸ் விக்கெட்டை வீழ்த்தினார் என்பதும் குறிப்பிடத்தக்கது. நேற்றைய போட்டியில் நடராஜன் 4 ஓவர்கள் வீசி 25 ரன்கள் கொடுத்து ஒரு விக்கெட்டை வீழ்த்தி உள்ளார்

நடராஜனின் பந்துவீச்சை பிரட்லீ, வீரேந்திர சேவாக் உள்ளிட்ட பல முன்னாள் கிரிக்கெட் வீரர்கள் பாராட்டி வருகின்றனர். குறிப்பாக அவரது யாக்கர் பந்துகளுக்கு பாராட்டுகள் குவிந்து வருகின்றன என்பது குறிப்பிடத்தக்கது

தமிழகத்தின் சேலம் பகுதியை சேர்ந்த நடராஜன், ஹைதராபாத் அணிக்காக கடந்த 2018 ஆம் ஆண்டு முதல் விளையாடி வருகிறார் என்பதும், அதற்கு முன்னர் பஞ்சாப் அணியில் இருந்தார் என்பது குறிப்பிடத்தக்கது. அது மட்டுமின்றி தமிழக கிரிக்கெட் அணியிலும், லைகா கோவை கிங்ஸ் அணியிலும் இவர் இடம் பெற்றுள்ளார் என்பது குறிப்பிடத்தக்கது

தொடர்ச்சியாக ஐபிஎல் மற்றும் தமிழக அணியில் நன்றாக விளையாடினால் விரைவில் நடராஜனுக்கு இந்திய அணியிலும் வாய்ப்பு கிடைக்கும் என்று எதிர்பார்க்கப்படுகிறது

 

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.