close
Choose your channels

'தலைவர் 168' படத்துடன் கனெக்சன் ஆனது 'சூரரை போற்று'

Saturday, February 22, 2020 • தமிழ் Comments

சூர்யா நடிப்பில் சுதா கொங்கரா இயக்கிய ’சூரரைப்போற்று’ படத்தின் படப்பிடிப்பு முடிவடைந்து தற்போது போஸ்ட் புரொடக்ஷன் பணிகள் விறுவிறுப்பாக நடைபெற்று வருகிறது. இந்த படம் வரும் ஏப்ரல் மாதம் வெளியாகும் என்று எதிர்பார்க்கப்படும் நிலையில் தற்போது இந்த படத்தை புரமோஷன் செய்யும் பணிகள் நடைபெற்று வருகின்றன. சமீபத்தில் இந்த படத்தின் பாடல் விமானத்தில் நடுவானில் மாணவர்கள் மத்தியில் வெளியானது பெரும் பரபரப்பை ஏற்படுத்தியது என்பது தெரிந்ததே 

இந்த நிலையில் இந்த படத்தின் வியாபாரம் தற்போது தொடங்கிவிட்டது. முதல்கட்டமாக இந்த படத்தின் சாட்டிலைட் உரிமையை சன்டிவி பெற்றுள்ளது என்பது குறிப்பிடத்தக்கது. இதனை சன் டிவி நிறுவனம் தனது சமூக வலைத்தள பக்கத்தில் உறுதி செய்துள்ளது. சூப்பர் ஸ்டார் ரஜினியின் ‘தலைவர் 168’ படத்தை தயாரித்து வரும் சன் நெட்வொர்க், விஜய்யின் ‘தளபதி 65’ படத்தையும் தயாரிக்கவுள்ள நிலையில் தற்போது சூர்யாவின் படத்தின் சாட்டிலைட் உரிமையை பெற்றுள்ளது என்பது குறிப்பிடத்தக்கது. 

சூர்யா, அபர்ணா பாலமுரளி, கருணாஸ், ஜாக்கி ஷெராப், மோகன்பாபு, பரேஷ் ராவல் உள்பட பலர் நடித்துள்ள இந்த படத்திற்கு ஜிவி பிரகாஷ் இசையமைத்துள்ளார். நிகேஷ் பொம்மிரெட்டி ஒளிப்பதிவில் சதீஷ் சூர்யா படத்தொகுப்பில் உருவாகும் இந்த படத்தை சக்தி பிலிம் பேக்டரி நிறுவனம் மற்றும் 2டி எண்டர்டெயின்மெண்ட் நிறுவனம் இணைந்து தயாரிக்கின்றது.

Get Breaking News Alerts From IndiaGlitz