எஸ்ஜே சூர்யா மற்றும் பிரியா பவானி சங்கர் நடித்த ‘பொம்மை’ என்ற திரைப்படம் ஜூன் 16ஆம் தேதி வெளியாகும் என்று சமீபத்தில் அறிவிக்கப்பட்ட நிலையில் இந்த படத்தின் இரண்டாவது டிரைலர் சற்றுமுன் வெளியாகி இணையதளங்களில் வைரல் ஆகி வருகிறது.

‘நம்ம எல்லாருக்கும் ஒரு கற்பனை உலகம் இருக்கும், அதில் நாம் நினைத்த மாதிரி வாழ்ந்து கொண்டிருப்போம், என்ன நமக்கு அதோட லிமிட் தெரியும், ஆனால் ராஜூவுக்கு அது தெரியவில்லை, அவன் அந்த கோட்டை தாண்டி விட்டான் என்ற ட்ரெய்லரில் உள்ள வசனத்திலிருந்து இந்த படத்தின் கதை ஓரளவு புரிய வருகிறது.

பொம்மைகள் மீது அதிக ஆசையுடன் இருக்கும் எஸ்ஜே சூர்யா அந்த பொம்மைகளுக்கு ஏதாவது ஒன்று என்றால் ஆவேசமாகி விடுகிறார். அதன் விளைவு என்ன? அதனால் ஏற்படும் பிரச்சனைகள் என்ன? என்பதுதான் இந்த கதை என்பது இந்த ட்ரைலரில் இருந்து தெரிய வருகிறது.

எஸ்ஜே சூர்யா, பிரியா பவானி சங்கர் உள்பட பலரது நடிப்பில் உருவான இந்த படத்திற்கு யுவன் சங்கர் ராஜா இசை அமைத்துள்ளார். பிரபல இயக்குனர் ராதா மோகன் இயக்கத்தில் உருவான இந்த படம் நிச்சயம் ஒரு வெற்றி படமாக உருவாகும் என்று எதிர்பார்க்கப்படுகிறது.