நடிகர் சிவகார்த்திகேயன் நடிக்கும் சில படங்களுக்கு பழைய படங்களின் டைட்டில் வைக்கப்பட்டுள்ள நிலையில், தற்போது அவர் நடித்துக் கொண்டிருக்கும் திரைப்படத்திற்கும் "பராசக்தி" என்ற டைட்டில் தான் வைக்கப்பட்டுள்ளது.

இந்நிலையில், ஏ.ஆர். முருகதாஸ் இயக்கத்தில் சிவகார்த்திகேயன் நடிப்பில் உருவாகி வரும் படத்திற்கும் பழைய பட டைட்டில் தான் வைக்கப்பட்டுள்ளதாக கூறப்படுவது பரபரப்பை ஏற்படுத்தியுள்ளது.

சிவகார்த்திகேயன் மற்றும் ஏ.ஆர். முருகதாஸ் முதல் முறையாக இணைந்த இந்த படத்தின் படப்பிடிப்பு கடந்த சில மாதங்களாக நடைபெற்று வந்தது. படப்பிடிப்பு இறுதி கட்டத்தை நெருங்கி விட்டதாக கூறப்படுகிறது. அனிருத் இசையமைக்கும் இந்த படம் மிகப்பெரிய எதிர்பார்ப்பை ஏற்படுத்தி உள்ள நிலையில், நாளை சிவகார்த்திகேயன் பிறந்த நாளை முன்னிட்டு இந்த படத்தின் டைட்டில் டீசர் வெளியாகும் என்று அறிவிக்கப்பட்டுள்ளது.

இந்த நிலையில், இந்த படத்திற்கு "சிகரம்" என்ற டைட்டில் வைக்கப்பட்டுள்ளதாக தகவல் கசிந்துள்ளது. ஏற்கனவே, 1981 ஆம் ஆண்டு எஸ்.பி. பாலசுப்ரமணியம் நடிப்பில் அனந்து இயக்கத்தில் உருவான படத்திற்கும் "சிகரம்" என்ற டைட்டில் வைக்கப்பட்டிருந்தது.

44 ஆண்டுகளுக்கு பின் மீண்டும் அதே தலைப்பு வைக்கப்பட்டுள்ளதாக கூறப்படுகிறது. இது எந்த அளவுக்கு உண்மை என்பதை நாளை வரை பொறுத்திருந்து பார்ப்போம்.