சிவகார்த்திகேயன் நடித்த ’அமரன்’ திரைப்படம் நூறாவது நாள் விழா நேற்று நடைபெற்றது. இந்த விழாவில் பேசிய சிவகார்த்திகேயன், இந்த படத்திற்கு குஷ்பு கூறிய விமர்சனத்தையும் அதற்கு தான் வழங்கிய பதிலையும் பகிர்ந்துள்ளார்.

சிவகார்த்திகேயன், சாய் பல்லவி நடிப்பில், கமல்ஹாசன் தயாரிப்பில், ராஜ்குமார் பெரியசாமி இயக்கத்தில் உருவான ’அமரன்’ திரைப்படம் கடந்த ஆண்டு தீபாவளி தினத்தில் வெளியானது. மிகப்பெரிய வெற்றியை கண்டது. இந்த படம், நூறாவது நாளை எட்டியுள்ளதை கொண்டாடும் விழா சென்னை அருகே நடைபெற்றது.

இந்த விழாவில் பேசிய சிவகார்த்திகேயன்,"தன்னுடன் நடிக்கும் ஹீரோயினுக்கு ஸ்பேஸ் கொடுத்து நடிப்பது என்பது கிடையாது. எனக்கு என்ன ரோல் இருக்கிறது, நான் ஸ்கோர் பண்றேனா என்பதையே பார்க்கமாட்டேன். சாய் பல்லவி ஸ்கோர் பண்ணினால் கூட, என் ஹீரோயின் ஸ்கோர் பண்ணுகிறார் என்பதில் மகிழ்ச்சிதான். படம் வெற்றி பெற்றால்தான் எல்லோருக்கும் நல்லது." என்று தெரிவித்தார்.

மேலும், குஷ்பு தன்னிடம் இந்த படம் குறித்து கூறியபோது, ‘அமரன் படத்தில் ஒரு மிகப்பெரிய விஷயம் என்ன தெரியுமா? நீங்க இல்லாமல் பத்து நிமிடங்கள் ஹீரோயின் அந்த படத்தை எடுத்துக்கொண்டு சென்றார். அதற்கு நீங்கள் அனுமதி அளித்தீர்கள், அதுதான் மிகப்பெரிய விஷயம்." என்று கூறினார்.

இதற்கு ’நான் அனுமதிப்பது என்பது எல்லாம் கிடையாது. அவர் என்னுடைய ஹீரோயின். அவர்கள் பெர்பார்ம் பண்ணும் போது, நான் அங்கே இருப்பதாகத்தான் நினைத்துக் கொண்டேன்." என குறிப்பிட்டார்.

சாய் பல்லவி கூட, "என்னுடைய சீன்ஸ் எல்லாம் அப்படியே வருமா?" என்று சந்தேகமாக கேட்டதாகவும், "நிச்சயமாக வரும்! அந்தளவிற்கு ஸ்பேஸ் கொடுத்து நடிக்கும் ஹீரோக்கள் இங்கு இருக்கிறார்கள்." என்று தெரிவித்ததாகவும் சிவகார்த்திகேயன் கூறினார்.

"If you score SaiPallavi, it's my heroine scoring for that scene. Kushboo mam given compliment that it's the peak heroism. You have asked the dir that all your scenes will come or not in #Amaran, yes there are heros here who allows it🫶"
- #SivaKartikeyanpic.twitter.com/H7Kwr1gJ7c

— AmuthaBharathi (@CinemaWithAB) February 15, 2025