கமல்ஹாசனுடன் முதல்முறையாக சிவகார்த்திகேயன் இணைய உள்ளார் என்ற செய்தி திரையுலகில் பெரும் பரபரப்பை ஏற்படுத்தி உள்ளது.

கமலஹாசன் நடித்து வரும் ‘விக்ரம்’ படத்தின் படப்பிடிப்பு ஒருபக்கம் விறுவிறுப்பாக நடைபெற்று வரும் நிலையில் கமல்ஹாசனின் ராஜ்கமல் பிலிம்ஸ் இண்டர்நேஷனல் நிறுவனம் ஒரு சில படங்களை தயாரிக்க திட்டமிட்டுள்ளதாக கூறப்படுகிறது.

அந்த வகையில் ராஜ்கமல் பிலிம்ஸ் இண்டர்நேஷனல் தயாரிக்கும் படம் ஒன்றில் சிவகார்த்திகேயன் நடிக்க இருப்பதாகவும் இதற்கான பேச்சுவார்த்தை தொடங்கி விட்டதாகவும் கூறப்படுகிறது.

கமல்ஹாசன் தற்போது தொகுத்து வழங்கி வரும் பிக்பாஸ் நிகழ்ச்சியின் இயக்குனர்களில் ஒருவரின் பரிந்துரையின் பேரில்தான் சிவகார்த்திகேயனை இந்த படத்தில் ஒப்பந்தம் செய்ய கமல்ஹாசன் முடிவு செய்ததாக கூறப்படுகிறது. கமல்ஹாசன் தயாரிப்பில் சிவகார்த்திகேயன் நடிப்பில் உருவாகும் படத்தின் அறிவிப்பு மிக விரைவில் வெளியாகும் என்று கூறப்படுகிறது.