அஜித், விஜய் ஆகிய இருவரது சூப்பர் ஹிட் படங்களை இயக்கிய இயக்குனரின் அடுத்த படத்தில் சிம்பு நடிக்க வாய்ப்பு இருப்பதாகவும் இதற்கான பேச்சுவார்த்தை தொடங்கி விட்டதாகவும் கூறப்படுகிறது.

சிம்பு நடித்த ’மாநாடு’ மற்றும் ’வெந்து தணிந்தது காடு’ ஆகிய இரண்டு திரைப்படங்கள் தொடர்ச்சியாக வெற்றி பெற்றதையடுத்து தற்போது அவர் ’பத்து தல’ என்ற திரைப்படத்தில் நடித்து வருகிறார் என்பதும் இந்த படம் டிசம்பரில் வெளியிட திட்டமிடப்பட்டுள்ளது என்பதும் தெரிந்ததே.

இந்த நிலையில் சிம்புவின் அடுத்த படத்தை பிரபல இயக்குனர் சுதா கொங்கரா இயக்க வாய்ப்பு இருப்பதாக கூறப்படும் நிலையில் தற்போது சிம்புவின் 48வது படத்தை ஏஆர் முருகதாஸ் இயக்க உள்ளதாகவும் இந்த படம் குறித்து ஏஆர்முருகதாஸ் மற்றும் சிம்பு ஆகிய இருவரும் சமீபத்தில் இரண்டு முறை சந்தித்து பேச்சுவார்த்தை நடத்தியதாகவும் இந்த படம் குறித்த அறிவிப்பு விரைவில் வெளியாகும் என்றும் கூறப்படுகிறது.

அஜித் நடித்த ’தீனா’ மற்றும் விஜய் நடித்த ’துப்பாக்கி’ ’கத்தி’ ஆகிய சூப்பர் ஹிட் படங்களை இயக்கிய ஏஆர் முருகதாஸ் இயக்கத்தில் சிம்பு நடிக்கும் படம் உருவாகுமா? என்பதை இன்னும் சில நாட்கள் பொறுத்திருந்து பார்ப்போம்.