close
Choose your channels

పవర్ స్టార్ కోసం అల్యూమినియం ఫ్యాక్టరీలో సెట్..

Thursday, January 7, 2021 • తెలుగు Comments

పవర్ స్టార్ కోసం అల్యూమినియం ఫ్యాక్టరీలో సెట్..

పవర్ స్టార్ పవన్‌ కల్యాణ్‌, రానా దగ్గుబాటి కాంబినేషన్‌లో సితార ఎంటర్‌టైన్‌మెంట్స్‌ ఓ సినిమా నిర్మించనున్న సంగతి తెలిసిందే. ఈ సినిమా షూటింగ్‌కు ఏర్పాట్లు జరుగుతున్నాయి. ఈ నెల 20 తర్వాత ఆ సినిమా రెగ్యులర్‌ చిత్రీకరణను ప్రారంభించనున్నారు. పవర్ స్టార్ షూటింగ్ కోసం హైదరాబాద్‌లోని అల్యూమినియం ఫ్యాక్టరీ సిద్ధమవుతోంది. ఈ ఫ్యాక్టరీలోనే చిత్ర యూనిట్ ఓ లాడ్జి సెట్‌ వేస్తున్నారు. శరవేగంగా పనులన్నీ పూర్తి చేసి సినిమాను సెట్స్‌పైకి తీసుకెళ్లేందుకు యత్నం జరుగుతోంది. ఈ సెట్‌లోనే పవన్, రానాలపై కీలక సన్నివేశాలను తెరకెక్కించనున్నారని టాక్ నడుస్తోంది.

పవన్ సినిమా తొలి షెడ్యూల్.. 25 రోజులు లాడ్జి సెట్‌లో కీలక సన్నివేశాలు తెరకెక్కించడానికి దర్శకుడు సాగర్‌ కె. చంద్ర సన్నాహాలు చేస్తున్నారు. ఈ సినిమాలో పవన్‌కి జోడీగా సాయి పల్లవి కనిపించనుంది. తొలి షెడ్యూల్‌లో సాయి పల్లవి సైతం పాల్గొంటుందని సమాచారం. మలయాళ చిత్రం ‘అయ్యప్పనుమ్‌ కోషియుమ్‌’కి రీమేక్‌గా ఈ సినిమా రూపొందనుంది‌. అయితే మన నేటివిటీకి తగ్గట్టుగా ఈ సినిమాలో పలు మార్పులు చేర్పులు చేస్తున్నట్టు టాక్ నడుస్తోంది.

పి.డి.వి. ప్రసాద్‌ సమర్పణలో సూర్యదేవర నాగవంశీ ఈ చిత్రాన్ని నిర్మిస్తున్నారు. ఈ చిత్రానికి తమన్‌ సంగీతం అందించనున్నారు. ఈ సినిమా సెకండ్ షెడ్యూల్ పొలాచ్చిలో జరగనున్నట్టు తెలుస్తోంది. అక్కడ ముఖ్యమైన సన్నివేశాలను చిత్రీకరించనున్నట్టు సమాచారం. ఈ సినిమాతోపాటే పవర్ స్టార్.. క్రిష్ దర్శకత్వంలో సినిమాను కూడా ప్రారంభించాల్సి ఉంది. కానీ క్రిష్‌కు కరోనా పాజిటివ్ రావడంతో ఆ సినిమా షూటింగ్ కొద్ది రోజుల పాటు వాయిదా పడింది. క్రిష్‌కు కరోనా నుంచి కోలుకున్న వెంటనే.. ఈ సినిమా షూటింగ్ కూడా ప్రారంభమయ్యే అవకాశం ఉంది.

Get Breaking News Alerts From IndiaGlitz