நடிகை சமந்தா சமீபத்தில் ஆஸ்திரேலியா நாட்டிற்கு சுற்றுப்பயணம் செய்த நிலையில், அங்குள்ள வனவிலங்குகள் பூங்காவிற்கு சென்ற புகைப்படங்களை பதிவு செய்துள்ளார். மேலும் ஒரு வீடியோவும் பதிவு செய்துள்ளார். அந்த வீடியோவில், கங்காருவுக்கு அவர் சாப்பாடு ஊட்டும் காட்சிகள் உள்ளன. இந்த வீடியோ தற்போது இணையத்தில் வைரல் ஆகி வருகிறது.

ஆஸ்திரேலியாவில் உள்ள வனவிலங்கு பூங்காவிற்கு சென்ற தனது அனுபவத்தை அவர் பகிர்ந்து உள்ளார். அதில் அவர் கூறியிருப்பதாவது: "வனவிலங்குகளுடன் நேரம் செலவிட்டதிலும், இயற்கையின் அமைதியையும் அழகையும் ரசித்ததும் பெரும் மகிழ்ச்சியாக இருந்தது," என்று அவர் குறிப்பிட்டுள்ளார்.

மேலும் இயற்கை, விலங்குகள், மற்றும் நல்ல அனுபவங்கள், கங்காருவுக்கு உணவு ஊட்டியது, தூங்கிக் கொண்டிருந்த கோலாக்களை ரசித்தது ஆகியவை எனக்கு மிகுந்த மகிழ்ச்சி அளித்தன," எனவும் தெரிவித்துள்ளார்.

மேலும், "ஆஸ்திரேலியா அரசு வனவிலங்குகளுக்கு அற்புதமான வசதிகளை ஏற்பாடு செய்துள்ளது," என்றும் பாராட்டியுள்ளார்.

கடந்த 2023ஆம் ஆண்டு சமந்தா நடித்த 'குஷி' திரைப்படத்திற்கு பின்னர், அவர் நடித்த எந்த படமும் இதுவரை வெளியாகவில்லை. இந்த நிலையில், தற்போது அவர் ஒரு திரைப்படத்தை தயாரித்து நடித்து கொண்டிருக்கிறார் என்பதும், அந்த படம் இந்த ஆண்டுக்குள் வெளியாகும் என்றும் எதிர்பார்க்கப்படுகிறது.

View this post on Instagram

A post shared by Samantha (@samantharuthprabhuoffl)