சமீபத்தில் வெளியாகி வெற்றி பெற்ற ’டிராகன்’ படத்தில் நடித்த நடிகையின் அடுத்த படத்தில், சமந்தா கௌரவ வேடத்தில் நடிப்பதாக தகவல் வெளியாகியுள்ளது.

’பிரேமம்’ என்ற மலையாளப் படத்தின் மூலம் சினிமாவில் அறிமுகமான நடிகை அனுபமா பரமேஸ்வரன், சமீபத்தில் வெளியான ’டிராகன்’ படத்தில் கீர்த்தி என்ற கேரக்டரில் நடித்திருந்தார். அந்தக் கேரக்டர் நல்ல வரவேற்பை பெற்றது என்பது தெரிந்தது.

இந்த நிலையில், தற்போது அவர் ’பரதா’ என்ற படத்தில் நடித்துக் கொண்டிருக்கிறார். இந்தப் படத்தின் டீசர் சமீபத்தில் வெளியாகி, ரசிகர்கள் மத்தியில் நல்ல வரவேற்பைப் பெற்றுள்ளது. பர்தா அணியும் கிராமத்து பெண்களின் நிலையை மையமாகக் கொண்டு உருவாகியுள்ள இந்தப் படம், தமிழ் மற்றும் மலையாள மொழிகளில் விரைவில் வெளியாகவுள்ளது.

இந்த நிலையில், இந்தப் படத்தில் சிறப்பு தோற்றத்தில் நடிகை சமந்தா நடித்துள்ளதாக கூறப்படுகிறது. இதனால், இப்படத்திற்குக் கூடுதல் எதிர்பார்ப்பு ஏற்பட்டுள்ளது. ஏற்கனவே, அனுபமா - சமந்தா இருவரும் இணைந்து நடித்த ‘A Aa’ என்ற தெலுங்கு படம் நல்ல வரவேற்பை பெற்றது என்பது குறிப்பிடத்தக்கது.