close
Choose your channels

మెగా ఫ్యాన్స్‌కు గుడ్‌న్యూస్: 35 రోజుల తర్వాత ఇంటికొచ్చిన సాయితేజ్.. డిశ్చార్జ్‌, బర్త్‌డే ఒకేసారి

Friday, October 15, 2021 • తెలుగు Comments

 మెగా ఫ్యాన్స్‌కు గుడ్‌న్యూస్: 35 రోజుల తర్వాత ఇంటికొచ్చిన సాయితేజ్.. డిశ్చార్జ్‌, బర్త్‌డే ఒకేసారి

పండగపూట మెగా అభిమానులకు గుడ్‌న్యూస్ అందింది. రోడ్డు ప్రమాదంలో తీవ్రంగా గాయపడి ఇన్ని రోజులు హైదరాబాద్ అపోలో ఆసుపత్రిలో చికిత్స పొందిన హీరో సాయిధరమ్‌ తేజ్‌ శుక్రవారం ఉదయం ఆసుపత్రి నుంచి డిశ్చార్జ్‌ అయ్యారు. ఈ విషయాన్ని స్వయంగా ఆయన మేనమామ, మెగాస్టార్‌ చిరంజీవి సోషల్‌ మీడియా వేదికగా వెల్లడించారు. కాగా నేడు సాయి ధరమ్‌ తేజ్‌ పుట్టిన రోజు కావడం యాదృచ్చికం. ఈ సందర్భంగా సాయి తేజ్‌కు బర్త్‌డే శుభాకాంక్షలు తెలుపుతూ చిరంజీవి ట్వీట్‌ చేశారు.

 మెగా ఫ్యాన్స్‌కు గుడ్‌న్యూస్: 35 రోజుల తర్వాత ఇంటికొచ్చిన సాయితేజ్.. డిశ్చార్జ్‌, బర్త్‌డే ఒకేసారి

విజయ దశమి పండగ రోజున సాయిధరమ్‌ తేజ్‌ ఆసుపత్రి నుంచి డిశ్చార్జ్‌ అయ్యారు. సాయి పూర్తి ఆరోగ్యంతో తిరిగి వచ్చారు. చాలా సంతోషంగా ఉంది. ఇటీవల పెను ప్రమాదం నుంచి బయట పడ్డ తేజ్‌కు ఇది పునర్జన్మ’ అత్త, పెద్ద మావయ్య తరపున పుట్టిన రోజు శుభాకాంక్షలు.' అని మెగాస్టార్ ట్విట్టర్‌లో పేర్కొన్నారు.

 మెగా ఫ్యాన్స్‌కు గుడ్‌న్యూస్: 35 రోజుల తర్వాత ఇంటికొచ్చిన సాయితేజ్.. డిశ్చార్జ్‌, బర్త్‌డే ఒకేసారి

కాగా గత నెల వినాయక చవితి సందర్భంగా సాయి తేజ్‌ రోడ్డు ప్రమాదంలో తీవ్రంగా గాయపడిన సంగతి తెలిసిందే. మాదాపూర్ దుర్గంచెరువు వద్ద వున్న కేబుల్ బ్రిడ్జి సమీపంలో ఆయన నడుపుతున్న స్పోర్ట్స్ బైక్ జారిపోవడంతో సాయితేజ్ కిందపడ్డారు. ప్రమాదంలో సాయి ధరమ్ తేజ్‌ తలతో పాటు ఛాతీ, కాళ్లకు తీవ్రగాయాలయ్యాయి. ప్రమాదం జరిగిన వెంటనే సాయిధరమ్‌తేజ్‌ అపస్మారక స్ధితిలోకి వెళ్లిపోయారు. అనంతరం తొలుత 108 ద్వారా మెడికవర్‌ ఆస్పత్రికి తరలించి ప్రాథమిక చికిత్స అందించారు. ఆపై మరింత మెరుగైన చికిత్స నిమిత్తం జూబ్లీహిల్స్ అపోలో ఆస్పత్రికి అడ్మిట్ చేశారు. అప్పటి నుంచి ఆస్పత్రిలోనే ఉన్నారు సాయి ధరమ్ తేజ్. 35 రోజుల ట్రీట్‌మెంట్ తర్వాత ఇవాళ డిశ్చార్జ్ అవుతున్నారు.

Follow @ Google News: గూగుల్ న్యూస్ పేజీలోని ఇండియాగ్లిట్జ్ తెలుగు వెబ్‌సైట్‌ను అనుసరించడానికి మరియు వెంటనే వార్తలను తెలుసుకోవడాని ఇక్కడ క్లిక్ చేయండి.   

Get Breaking News Alerts From IndiaGlitz