தமிழ் திரை உலகின் காமெடி நடிகர் மற்றும் தொலைக்காட்சி பிரபலம் ரோபோ சங்கரின் மகள் இந்திரஜா சமீபத்தில் கர்ப்பமாக இருந்த நிலையில் அவருக்கு ஆண் குழந்தை பிறந்துள்ளது. இதனை அடுத்து தாத்தாவான ரோபோ சங்கருக்கு வாழ்த்துக்கள் குவிந்து வருகிறது.

சினிமா தொலைக்காட்சி என இரண்டிலும் பிரபலமானவர் ரோபோ சங்கர் என்பதும் இவரது மகள் இந்திரஜா, விஜய் நடித்த ’பிகில்’ திரைப்படத்தின் மூலம் வெள்ளித்திரையில் அறிமுகமாகி அதன் பின்னர் கார்த்தி நடித்த ’விருமன்’ படத்தில் முக்கியமான கேரக்டரில் நடித்திருந்தார்.

இந்த நிலையில் தனது உறவினர் கார்த்திக் என்பவரை இந்திரஜா கடந்த ஆண்டு திருமணம் செய்து கொண்ட நிலையில் மிஸ்டர் அண்ட் மிஸஸ் சின்னத்திரை என்ற நிகழ்ச்சியில் கலந்து கொண்டார். அந்த நிகழ்ச்சி நடந்து கொண்டிருக்கும் போதே இந்திரஜா கர்ப்பமானதால் நிகழ்ச்சியில் இருந்து விலகினார் என்பது குறிப்பிடத்தக்கது.

இந்த நிலையில் இன்று இந்திரஜா - கார்த்திக் தம்பதிக்கு ஆண் குழந்தை பிறந்துள்ளது. இந்த தகவலை கார்த்திக் தனது இன்ஸ்டாகிராம் பக்கத்தில் மகிழ்ச்சியுடன் அறிவித்துள்ளார். இதனை அடுத்து ரசிகர்கள் இந்த இந்திரஜா - கார்த்திக் தம்பதிக்கும் ரோபோ சங்கருக்கும் தங்களது வாழ்த்துக்களை தெரிவித்து வருகின்றனர்.

மேலும் கார்த்திக் தனது குழந்தையின் புகைப்படத்தை வெளியிட்டுள்ள நிலையில் அந்த புகைப்படத்திற்கு லைக்ஸ் குவிந்து வருகிறது.

View this post on Instagram

A post shared by தொடர்வோம் கார்த்திக் (@dr.thodarvom_karthick)